Energji me orar! Rama: Kemi përgatitur planin! Mos bëni si unë që gjëmoj të fik dritat në kryeministri, të mësojmë të jetojmë kohët e vështira

 

Kryeministri Edi Rama ka bërë me dije se qeveria ka bërë planin që qytetarët të kenë energji me orar. Kjo do të vihet në zbatim në rast emergjence. Rama tregoi rastin e tij duke thënë se gjëmon celësat për fikjen e dritave të hapura në kryeministri sa herë që nuk janë të nevojshme.

“Është përgatitur plani i shkurtimeve. Gjermania po heq ujin e ngrohtë nga shkollat. Kur Gjermania heq ujin e ngrohtë dhe ka hyrë gjithë sistemi politik gjerman në një garë se kush gjen idetë për të shkurtuar dhe mbrojtur, parafytyro vendet e tjera. Flasim edhe deri në shkurtime tërësore të furnizimeve me energji.

LEXO EDHE:
Rama në Podcast me 3 mësuese: Arsimi profesional, alternativë e sigurt për integrim në tregun e punës

Ne e kemi bërë këtë plan, por është emergjence. Njerëzit duhet të fillojnë të kursejnë. Pse duhen ndezur dritat tani? Pronarit këtu nuk i vjen fatura e merituar se po t’i vinte, edhe librat do t’i lexonte me neonin e rrugës në darkë. Kjo është gjëja me të cilën duhet të merremi. Edhe ju duhet të përfshihemi. Jo vetëm kur kërkoni dopio ura, të kuptoni që vizioni është i duhuri por jo momenti, por edhe të sensibilizohen njerëzit.

I keni parë shepnzimet e energjisë elektrike në bashki? Shikojini. S’po themi gjëmoni sustat për të fikur dritat në kryeministri edhe kur s’ka krizë, por mentaliteti i të jetuarit në kohë të vështirë duhet të kultivohet që të bëjmë cfarë mundemi”, tha Rama.

Lajmi kryesor:

Rama: Gati plani për kursim, energjia me orar! Të mësojmë të jetojmë në kohë të vështira! Do ketë shkurtim punonjësish

A.M./LR/Shqiptarja.com

TAG:
• PS
• energjia elektrike
• kriza energjetike
• edi rama