Rama: U pendova që i thashë
Nanos Robert Çamçakezi

TIRANE- Në Kurban-in e Edi Ramës nuk janë përmendur shumë personazhe. Por më shumë se 20 prej tyre janë analizuar mirë. Gazeta "Shqiptarja. com" publikon sot atë që mendon kreu i PS për njerëzit me të cilët ka bashkëpunuar në gjithë këto vite. Mes tyre, Fatos Nano, Albert Brojka, Fatos Lubonja, Fidel Ylli, Mithat Havari, Bashkim Shehu, At Zef Pëllumbin, Baba Reshatin, kryeministrin Berisha, kryetaren e Parlamentit Jozefina Topalli, Metën, Muç Nanon, Tanin e TOP-it dhe Carlo Bollinon. 

JA DISA NGA PERSONAZHET
Porosia e Kristaqit
Kristaq Rama: Asgjë nuk vlen më shumë sesa të lësh pas një kujtim të mirë
Edi, si e shohin
Ka pasur Edi Ramë tjetër apo ai kam qenë unë? Sigurisht që ai kam qenë unë, por unë sjam më ai, do të thoshte Andi Bushati
Për Albert Brojkën
S’kemi fonde për ta rregulluar tavanin, tha me t’u ulur pranë kovës paraardhësi Albert Brojka, duke ngritur sytë me gojën gjysmë të hapur nga qielli
Fatos Lubonjën e humba nga politika
Se harrova kënetën nën ballkonin e shtëpisë. Si mund ta harroj, e kam aty, kushedi edhe sa kohë pas përfundimit të këtij rrëfimi ajo do të jetë aty, ana tjetër e medaljes së suksesit, pamja tjetër e historisë së ndryshimit, madje ajo e vërteta, do të thoshte shpotitës Fatos Lubonja. Fatosi është një miqësi e dashur, që e humba kur zbrita në arenën politike.
Si u njoh me Fatos Nanon
Me Fatos Nanon më bënë mik, pa e njohur,letrat që nxirrte nga burgu i Sali Berishës dhe bisedat e ngrohta përpara kthimit tim të paparashikuar nga Parisi. Më tej, ma lëkundën fillimisht fort respektin perversitetet e kthyera në instrument lufte politike gjatë katharsisit e KPD famëkeqe të vitit 2001, e pastaj marrënoi si befasi e paparafytyrueshme flirti i tij mendjelehtë e zvjerrdhës deri në shpërfytyrim me vetë Saliun, që e coi në pikën e hallit.

Batuta e Robert Çamçakëzit
Nëse koha do të mund të kthehej mbrapsht, sdo ta kisha bërë më atë batutën e bujshme të krahasimit të Fatosit me Robert Çamçakëzin, dembelin “me shfaqje
të huaja” të portit të Durrësit në një film kult të socrealizmit për heroin e klasës punëtore Adem Reka. E vërteta është se për dreq, ai parazit simpatik që rrumbullohej paq...ngjante kiamet me Fatosin e kohës së katharsisit të bubullishëm nëpër pijetoret e katundeve të Shqipërisë.

(Mendimet e tjera për Nanon, Berishën, Metën, gazetarët, gjyqtarët e Tiranën, Gërdecin e fotot lakuriq mund ti lexoni sot në gazetën Shqiptarja.com)

TAG:
• carlo bollino