POP 5

Lajmet më të lexuara të 5 minutave të fundit

Kronikë

Rama uron mirmëngjes me videon e të moshuarve që iu ndërtua shtëpia pas tërmetit: Iu gjendëm pranë atyre që humbën strehën

Ishin me qindra personat që humbën shtëpinë e tyre si pasojë e tërmetit tragjik të 26 nëntorit, e mes tyre ishin edhe çifti  Shaqir dhe Nurie Herri, nga Maminasi. Por sot, çifti i të moshuarve gëzojnë një strehë të re mbi kokë, ndërsa kryeministri Edi Rama ka uruar mirmëngjes këtë të mërkurë me videon e tyre.

Ishin me qindra personat që humbën shtëpinë e tyre si pasojë e tërmetit tragjik të 26 nëntorit, e mes tyre ishin edhe çift Shaqir dhe Nurie Herri, nga Maminasi. Por sot, çifti i të moshuarve gëzojnë një strehë të re mbi kokë, ndërsa kryeministri Edi Rama ka uruar mirmëngjes këtë të mërkurë me videon e tyre.

"Mirëmëngjes dhe me zemrën plot nga gëzimi që ju gjendëm pranë atyre që pas tërmetit humbën strehën, ju uroj një ditë të mbarë", shkruan Rama krahas videon.

Shaqir Herri, i paralizuar, tregon se kur tërmeti, në pamundësi për të lëvizur, ndenji në krevat, bashkë me gruan duke pritur që lëkundja të mbaronte. Ai falënderon qeverinë dhe kryeministrin Edi Rama për shtëpinë e re, për të cilën tha se u ndërtua në kohë rekord.

"Na ra tërmeti, na dëmtoi jashtë mase, na frikësoi jashtë mase, unë jam i paralizuar. Kemi ndenjur në strehë, njeri nuk kishim. Punëtorët që solli shteti e sheshuan vendin dhe e bënë gati, shumë faleminderit prej shtetit, na thanë që do e bëjnë shtëpinë shumë shpejt dhe e bënë dhe unë sot jam këtu. Këtë që e ka bërë Edi Rama, nuk e bën dot kush", tha ai.

Bashkëshortja e tij, Nurie Herri, tha se pas tërmetit, ata kishin fjetur jashtë, por me ndërtimin e shtëpisë së re, thotë se ndihet sikur ka rilindur.

"Plakut i thash mos lëviz se ai nuk ecën dot, i thash vër jastëkun në kokë. Në darkë pastaj kemi ndenjur përjashta, mora një krevat portativ dhe e vura plakun aty. Kisha frikë se mos këputej soleta dhe na binte se mure pa hekur ishin ato. Shumë faleminderit shtetit, sikur kemi lindur për së dyti, shyqyr që kemi futur kokën brenda", tregoi ajo.

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54