Këta tregues nuk kanë kaluar pa u vënë re edhe nga kryeministri, Edi Rama i cili në kuadër të prezantimit të “Rilindjes urbane në arsim”, ka sjellë në vëmendje pikërisht transformimin e të gjithë infrastrukturës arsimore dhe sociale që prek çerdhet dhe kopshtet në Tiranë.
“23 kopshte e 31 çerdhe të rindërtuara mbi gërmadhat e trashëguara vetëm një vit më parë, janë fytyra rrezatuese e Rilindjes në Tiranë. Pas katër vjet rrënimi e pluhurosjeje të përgjithshme, që ishte fytyra kuptimplotë e boshllëkut të vizionit, ideve, aftësisë së kryebashkiakut të ikur siç hyri, sot kryeqyteti ka rigjetur drejtimin e duhur”, shkruan Edi Rama në rrjetin social facebook. Por jo vetëm kaq, ai thekson se falë drejtimit të ri të Bashkisë së Tiranës, kryeqyteti është shndëruar në promotorin e Rilindjes Urbane.
“Tirana po rilind çdo ditë, nën lidershipin shembullor të kryebashkiakut të ri dhe falë edhe programit kombëtar të Rilindjes Urbane, kryeqyteti është kthyer në kantierin e ambicies për Shqipërinë e Gjeneratës Tjetër. Qentë le të lehin karvani do ecë përpara”, mbyll komentin e tij kryeministri Rama ndërsa e shoqëron atë edhe me një album fotosh ku tregohet transformimi I çerdheve dhe kopshteve në kryeqytet.
Redaksia Online
XH.K/shqiptarja.com