Rama: Xhaçka, drejtuesi i parë në Ministri që do këshillohet nga kryeministri dhe paraardhësi!

Kryeministri Edi Rama është i bindur në zgjedhjen e tij si ministre e Jashtme Olta Xhaçkën. Për Ramën, Xhaçka është në lartësinë e duhur për ta kryer këtë detyrë, teksa tha se ka privilegjin që në këtë post të ketë këshilltarët kryeministrin dhe paraardhësin.

"Marrëdhëniet strategjike të Shqipërisë dhe marrëdhëniet e Shqipërisë me aleatët dhe partnerët janë punë e përditshme! Është në lartësinë e duhur për ta marrë këtë stafetë dhe për ta çuar përpara punën e këtij institucioni. Ka një bazë të kahershme shumë solide, por si në çdo hapësirë tjetër të jetës së organizuar institucionale ka patjetër nevojë për të çuar jo vetëm përpara punët dhe marrëdhëniet me tjetër, por edhe transformimim e brendshëm për të qenë në lartësinë e kohës dhe sfidave që sjell koha. Genti ne do vazhdojmë rrugën së bashku pavarësisht ndryshimit të pozicioneve, dhe do të jemi një mbështetje e posaçme për Oltën që do jetë drejtuesi i parë në Ministrinë e Jashtme që do ketë mundësinë të jetë e këshilluar nga një dyshe si unë dhe Genti dhe do ketë këshilltar drejtpërdrejtë  kryeministrin dhe paraardhësin", tha Rama.

Lajmi kryesor:

Cakaj dorëzon detyrën në krye të diplomacisë! Rama: E kreu në kushte ngërçi, u godit në mënyrë absurde! Xhaçka: Ministria e Jashtme duhet të shkëlqejë! Reformim konsullatave

B.K./r.k./Shqiptarja.com

TAG:
• edi rama
• Ilir Meta
• olta xhaçka
• OSBE
• Gent Cakaj
• ministria e jashtme