POP 5

Lajmet më të lexuara të 5 minutave të fundit

Politikë

Rama zbulon si Angela Merkel mori 'PO-në' e Bundestagut (VIDEO)

Kryeministri Edi Rama tha se integrimi në Bashkimin Evropian është një rrugëtim të cilin Shqipëria e meriton, duke e argumentuar këtë me faktin që vendi ynë i plotësoi kushtet e vendosura. Kreu i qeverisë u kthye pas në kohë, një vit më parë, në nisje të reformës në drejtësi, ku u kërkua q të përjashtoheshin nga sistemi 57 gjyqtarë dhe prokurorë të korruptuar. Shefi i mazhorancës tha se procesi i vettingut u bë revolucioni ynë francez me gijotinën, pasi shifra shkoi në 100 gjyqtarë e prokurorë të korruptuar të përjashtuar nga sistemi. Fakti që tashmë, kërkohet që Gjykata Kushtetuese dhe e Lartë të jenë funksionale, nuk është faj i Shqipërisë - tha Rama - pasi pastrimi i sistemit ishte pikërisht kërkesë për të ecur me hapa të sigurt në rrugën drejt BE-së. Për këtë, Rama solli citimin e një gruaje të zgjuar siç ju drejtua kancelares gjermane Angela Merkel teksa i ishte drejtuar grupit parlamentar për të marrë 'PO-në' për çeljen e negociatave me Shqipërinë. erkel është shprehur se është sukses i Shqipërisë që pastroi sistemin dhe nuk është dështim i Shqipërisë që Gjykata Kushtetuese mbeti pa gjyqtarë për shkak të largimit të të korruptuarve!

"Është frustruese, sepse ne na thuhet gjithnjë që ju duam dhe që një ditë do jemi bashkë, por që duhet të vazhdoni të përmirësoheni e të përmirësoheni. Tani më duhet të bëj një koment, vjet, përshembul, na thanë që keni bërë një punë fantastike, por keni ende diçka për të bërë. 57 gjyqtarë dhe prokurorë, një numër magjik, nuk e dija pse do ishte kjo shifër 57 dhe jo 58, ose pse jo 56, por thashë 57. Epo mirë, kabala e shtyrjes dhe ne shkuam përtej 57-ës, shumë më shumë se 57 dhe procesi i rivlerësimit, vettingu u bë revolucioni ynë francez me gijotinën. Çdo mëngjes, në çdo televizion shqiptar, të gjithë këta që ishin të paprekshëm, të paprekshmit kalonin te komisionet e vettingut dhe dukeshin si të dobët dhe gjithë ata që shkarkoheshin e shkarkoheshin e hiqeshin nga sistemi, pra, forca e korrupsionit në Shqipëri. Korrupsioni për 30 vite është rritur dhe që gjendet tek politikanët dhe që gjendet tek autoritetet publike, por më besoni kur ju them, nuk ka të krahasuar me qarkun e të paprekshmëve që u zhbë tashmë njëherë e mirë, të gjyqtarëve dhe prokurorëve. Ata ishin forca dhe pushteti i korrupsionit, ata ishin ata që e garantonin dhe ushqenin korrupsionin dhe gjithçka ishte bërë relative. Dhe pas 1 vit nuk flasim më për 57, por më shumë se 100.

Tani cili është problemi? Tani problem është që nuk kemi Gjykatë Kushtetuese. Po, por ne na u tha që duhet të pastronim sistemin e drejtësisë nga të korruptuarit. Kështu që kur po bën operacion tek trupi i dikujt, duhet parë nga cili këndvështrim e sheh, sepse shyqyr Zotit që ka ende njerëz, pra, burra e gra të mençura në Europë, të cilët vazhdojnë t’u referohen të vdekurve, që i kemi përmendur. Angela Merkel është kampione e kësaj gjëje dhe ajo ka thënë një gjë, të cilën dua ta dëgjojnë të gjithë dhe u dëgjua në fakt nga grupi parlamentar. Ne po themi që Shqipëria nuk ka Gjykatë Kushtetuese dhe që ky është dështim, më fal por unë citoj kancelaren gjermane,  a ishim ne që i kërkuam shqiptarëve që të pastronin sistemin dhe a kanë faj ata që e pastruan sistemin, e bënë atë dhe tani që u pastrua sistemi nuk ka Gjykatë Kushtetuese dhe duhet t’u hedhim faj për këtë gjë, apo t’i përgëzojmë për këtë punë që kanë bërë.

Natyrisht që kur nuk Gjykatë Kushtetuese funksionale nuk mund të jesh shtet anëtar, por ne nuk po kërkojmë të jemi shtet anëtar, ne thjesht po kërkojmë që të vazhdojmë një rrugëtim që do të dojë e do kërkojë shumë kohë, një kohë të gjatë. Kjo do të thotë që hapi tjetër do të jetë sigurisht hapi që do të kemi një Gjykatë Kushtetuese funksionale. Por fakti që nuk ka Gjykatë Kushtetuese funksionale në këtë moment tregon sukses jo dështim.Të paktën ekziston një person në Komunitetin Europian që mendon si unë e kam thënë dhe e them ngaherë, tashmë jemi dy. Shyqyr që personi tjetër ka mundësinë që ta bëjë Gjermaninë që të thotë “PO”. Unë nuk e arrita dot", tha Rama.

1570177703_rama8.jpg

"Britanikët duan të divorcohen nga BE kurse shqiptarët të martohen"

Teksa foli për dëshirën e madhe të qytetarëve shqiptarë për tu anëtarësuar në Bashkimin Europian, Rama bëri ironi me kërkesën e Britanisë për të dalë nga BE. Kryeministri Rama tha se Britani ka luksin të mendojë divorcin pas kaq shumë vitesh, ndërsa ne duam që kjo martesë me BE të bëhet sa më parë.

"Gjithçka ka të bëjë me drejtësinë dhe kjo na bën ne të jemi të angazhuar për këtë dashuri të vështirë që kemi me BE-në, se puna nuk është që duhet të kënaqim Parisin, Hagën, etj, por kjo ka të bëjë me shndërrimin e vendit tonë, me faktin që duhet të bëhen demokraci funksionale dhe shtete funksionale me një sistem të besueshëm dhe të paanshëm drejtësie.

Ne na duhet të vazhdojmë t'ju duam e të besojmë tek kjo martesën e jona. Britanikët kanë luksin të mendojnë divorcin pas kaq shumë vitesh. Për ne është hera e parë që e kemi ëndërruar dhe nuk e ndalon dot askënd të ketë këtë ëndërr e të martohet me atë që do", tha Rama.


Lajmi kryesor:

'A kanë faj që e pastruan sistemin dhe s’ka Gjykatë Kushtetuese?!' Si Merkel bindi Bundestagun për 'PO'-në e negociatave (VIDEO)
G.M./Shqiptarja.com
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58