Ramës i përfundon mandati si
kreu i PS-së, asnjë kandidat përballë

Sot mbaron mandati katërvjeçar i kryetarit të Partisë Socialiste Edi Rama, të cilin e mori në 2009-n përballë Maqo Lakrorit. Ndaj grupi i punës i ngritur nga kryesia e PS, ka përveshur duart që të fillojë fushatën zgjedhore dhe të vendosin edhe datën se kur do të mbahen zgjedhjet për kryetar por edhe për kryetarët e rretheve. Tashmë që ende nuk janë zhvilluar zgjedhjet, Rama do të jetë si i komanduar i PS-së. Megjithatë grupi i punës i përzgejdhur për këtë proces zgjedhor nuk ka bërë asnjëgjë të ditur.

Treshja Bashkim Fino-Taulant Balla- Blendi Klosi kanë refuzuar të japin komente mbi vazhdimësinë e procesit të këtyre zgjedhjeve (zgjedhja e kryetarit të PS dhe të krerëve të PS-së në rrethe). Madje edhe ata që janë në dijeni të këtij procesi kanë preferuar të mos citohen në media, edhe pse kanë dhënë një informacion të fragmentizuar. Treshja Fino-Balla-Klosi do të vendosin mbi datën që do të mbledhet kryesia, e cila vendos për mbledhjen e ardhshme të Asamblesë Kombëtare ku kryetari i saj Gramoz Ruçi do të njoftoj ditën e mbajtjes së zgjedhjeve.

Burime brenda Partisë Socialsite kanë puhuar se nuk do të ketë asnëj kandidaturë tjetër përveç kryesociaslitit Edi Rama në këto zgjedhje që pritet të zhvillohen brenda tetorit. Kjo lidhet edhe me faktin se fitorja në zgjedhjet e përgjithshme të 2013 ishte pikërisht se në krye të saj ishte edhe Edi Rama. Pra fitorja në këtë zgjedhje sit ë thuash ja ka kulticuar më shumë prezencën e të qenit lider në PS. Largimi i Ramës drejt SHBA-së po mban pezull edhe disa punë në selinë e PS. Me kthimin i tij, pritet që të vendosen pikat mbi (i) qoftë për gjërat brenda PS qoftë edhe për atë të qeverisë, ku shumica e zëvendësministrave priten që të hyjnë zyrtarisht në dikasteret e qeverisë. Më 26 shtator 2009 u rizgjodh kryetar i socialistëve përballë Maqo Lakrorit me një përqindje shumë të madhe votash. Për herë të parë kandidatët bënë një fushatë të përbashkët, ku përpara anëtarësisë shpalosën platformat e tyre.

Shkrimi u publikua sot (26.09.2013) në gazetën Shqiptarja.com (print)

Redaksia Online
(a.ç/shqiptarja.com)

TAG:
• gramoz ruçi