Departamenti Amerikan i Shtetit në raportin e përvitshëm për lirinë fetare indetifikon se në Kosovë disa të drejta për ligjet janë të mohuara ndonëse ligjet janë të drejta. Një aspekt tjetër që raporti theksonte ishte se qeveria e Kosovës diferencon në mbështetje financiare besimin islam kundrejt feve të tjera në republikën e Kosovës.
Disa pjesëtarë të grupeve të tjera dhe përfaqësues të tjerë jofetarë kanë thënë se ata ishin të shqetësuar se qeveria nuk e kishte financuar edukimin religjioz për grupet e tjera fetare.
Raporti i Departamentit Amerikan të Shtetit
Gjithashtu, në raportin e DASH përmendej suksesi i qeverisë se Kosovës ne luftën dhe marrjen e masave kundër ekstremizmit të dhunshëm si dhe ka pasur raste të dhunës me bazë fetare, ndërhyrje në pelegrinazhet fetare, gjuhë të urrejtjes dhe vandalizëm. Në raport përmendet edhe raportimi i mediave për presionin që qeveria turke iu kishte bërë institucioneve të Kosovës për t’i mbyllur shkollat e lidhura me klerikun mysliman, Fethullah Gylen.
Sipas raportit në shumë shkolla zyrtarët i kanë ndaluar nxënëset të veshin rroba fetare në objektet shkollore. Drejtorët e shkollave po ndjekin një urdhëresë administrative të lëshuar nga Ministria e Arsimit, Shkencës dhe Teknologjisë. BIK-u ka raportuar për disa raste kur vajzat janë larguar nga mësimi ose janë detyruar t’i heqin shamitë nga koka. Në Kosovë jetojnë rreth 1.9 milion banorë nga ta 95.6 janë myslimanë, 2.2 përqind katolikë si dhe 1.4 përqind i përkasin besimit ortodoks të përfaqësuar nga serbët.
Ndërkohë, liria fetare në Kosovë është e cunguar nga institucionet shtetërore, toleranca fetare tek njerëzit paraqitet ndryshe.