Raportet e kundërta, ILDKP i nxjerr zyrtarët me pasuri të pastër, KPK i djeg

Procesi i vettingut ka nxjerrë në sipërfaqe një mosfunksionim të një institucioni tjetër me rëndësi në vendin tonë: Inspektorati i Lartë i Deklarimit dhe Kontrollit të Pasurisë dhe Parandalimit të Konfliktit të Interesit.

Deri më tani të gjithë gjyqtarët dhe prokurorët e shkarkuar nga shkalla e parë e vettingu, janë “djegur” për pasuri të pajustifikuar. Deri më tani për asnjë nga këta persona që kanë humbur detyrën, ILDKP nuk ka marrë ndonjë masë administrative apo të ketë bërë ndonjë kallëzim penal për ta për mos justifikim të pasurisë.

Edhe pse gjyqtarët e prokurorët kanë vite të tëra në detyrë, rrjeta e ILDKP-së nuk i ka kapur ata asnjëherë. Po nuk mjafton me kaq.

LEXO EDHE:
KPK e shkarkoi, pasuria e gruas ‘mori në qafë’ gjyqtarin Agron Zhukri! I dha vulën e PD-së Berishës

Për shumicën e gjyqtarëve e prokurorëve që kanë ngelur në klasën e vettingut, ILDKP ka dorëzuar raport hetimor të pasurisë ku ka dalë në konkluzionin se e justifikojnë  pasurinë me burime të ligjshme, ndërsa hetimi i vettingut ka vërtetuar të kundërtën.

I tillë ishte edhe këtë të premte rasti i gjyqtarit kushtetues Bashkim Dedja. ILDKP kishte përpiluar një raport ku thoshte se ai e kishte pasurinë me burime të ligjshme dhe e justifikonte atë. Por KPK kishte bërë hetimet e veta, dhe kreu i Kushtetueses i rezultonte me probleme në 3 shtëpi.

Atëherë ngrihet pyetja: pse ka dalë në përfundim të kundërt ILDKP? Në rast se gjyqtarët dhe prokurorët i kontrollon vettingu, çfarë ndodh me qindra zyrtarë të tjerë që ILDKP duhet t’i kontrollojë e nuk ka një organ të dytë të verifikojë cilësinë e këtij hetimi pasuror? A ka mes zyrtarëve të lartë njerëz që kanë marrë dritë jeshile nga ILDKP, por që mund të kenë njolla të kuqe si gjyqtarët e prokurorët që po kap rrjeta e vettingut?

Report TV u interesua pranë strukturave të ILDKP-së për këtë çështje. Edhe pse jo zyrtarisht, burimet thanë se ILDKP nuk ka kapacitete të njëjta me organet e vettingut për hetimet.  Ato rreshtuan se inspektorati nuk ka akses në TIMS, në sistemin e tatime, apo jashtë vendit për të bërë kryqëzim dokumentacioni.

Kompetencat hetimore të ILDKP-së janë të kufizuara në raport me ato të organeve të vettingut që ndihmohen edhe nga ONM-ja.

Në këto kushte, pyetjes se si mund të vijojë më tej ky institucion, ligjvënësit me formim juridik i përgjigjen me nevojën për ndërhyrje ligjore për të forcuar këtë institucion, që ka si fokus jo vetëm njerëzit e drejtësisë, por edhe mijëra zyrtarë të tjerë të lartë shtetërorë.

TAG:
• vettingu
• KPK
• ildkpki
• pasuria e gjyqtareve

Sondazhi i ditës:

'Rasti Qefalia', a fshihen gjobat pas akuzave të Këlliçit, Nokës, opozitës?

• Po

  76.8%

• Jo

  16.7%

• Ndoshta

  6.6%

Vota total: 198

Votat totale janë unike

• Sondazhi i ditës:

  'Rasti Qefalia', a fshihen gjobat pas akuzave të Këlliçit, Nokës, opozitës?

  Po Jo Ndoshta