POP 5

Lajmet më të lexuara të 5 minutave të fundit

Kronikë

Raporti i “AMP” për gushtin, katër të kapur në flagrancë! Polici në Sarandë, hapi lokal për shitje droge! 26 referime për 34 efektivë nën hetim

Tre efektivë policie dhe 1 qytetar u arrestuan në flagrancë nga Agjencia e Mbikëqyrjes Policore gjatë muajit gusht për implikim në vepra penale. Një prej këtyre rasteve ishte efektivi Redian Bello, që hapi lokal për të shitur kanabis në Sarandë.

Redian Bello, 24 vjeç, efektiv policie në Sarandë, pasi mori me qira një lokal, e ktheu atë në bazë të shpërndarjes së drogës. I riu, pasi u hetua disa muaj nga Agjencia e Mbikëqyrjes Hetmore, u vu në pranga në flagrancë më 21 gusht nën akuzën e prodhimit dhe shitjes së narkotikëve në bashkëpunim.

Lokali në plazh, i ndërtuar me dru dhe me hapësirë mbi det edhe për shezlongje, shërbente thjesht për të kamufluar veprimtarinë e shpërndarjes së kanabisit, nga i cili 100 doza u sekuestruan bashkë me një sasi parash dhe një pistoletë TT pa leje.

Kjo ishte ngjarja kryesore e raportuar në muajin gusht me përfshirjen e efektivëve të policisë në vepra penale. Në buletinin e fundit mujor të AMP-së raportohet edhe arrestimi i një efektivi të Gardës së Republikës, i cili u kap me armë pa leje në Tiranë, si dhe shefi i zjarrfikëseve në Cërrik, Artjon Taçi, me 4 të tjerë nën akuzë për falsifikim dokumentesh, ushtrim ndikimi të paligjshëm dhe përdorim të funksionit politik në veprimtari zgjedhore.

Sipas Agjencisë së Mbikëqyrjes Policore, gjatë gushtit u kryen 4 arrestime në flagrancë, ku ranë në pranga 2 policë, 1 gardist dhe 1 qytetar. Ndërkohë, me vendime të dhënë nga prokuroritë dhe gjykatat u ekzekutuan 6 masa arresti në burg për 3 zjarrfikës, 2 qytetarë dhe 1 tjetër të shpallur në kërkim. Nga ana tjetër, për t’u hetuar në gjendje të lirë për vepra më të lehta penale u referuan në prokurori 26 raste për 27 punonjës të Policisë së Shtetit, 2 të Gardës së Republikës dhe për 5 qytetarë.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Polic #: 06/09/2023 18:03

    Strategjia që ka zgjedhur AMP është e gabuar, nuk mund të arrestohen 8800 policë! Të arrestojë nja 88 shefa e drejtorë qendror dhe vendor dhe drejtuesi madhor të pranojë se deri tani ka pasur zhvatje e korrupsion dhe sot e tutje nuk do të ketë më! T'a fillojë me policinë kufitare dhe rrugoren e të mbarojë me rendin e policinë kriminale!

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43