POP 5

Lajmet më të lexuara të 5 minutave të fundit

Ekonomi

Raporti i Bankës së Shqipërisë/ Kreditë me probleme u ulën në nëntor, por janë 16.9 mln euro më të larta se në vitin 2022

Kreditë e këqija pësuan një rënie të lehtë gjatë tetorit, në krahasim me një muaj më parë, por mbeten në nivel më të lartë se në të njëjtën periudhë të vitit 2022. Shkak për këtë përkeqësim është bërë inflacioni i lartë dhe rritja e vazhdueshme e normës bazë të interesit që kanë ndikuar në uljen e fuqisë paguese të kredimarrësve.

Tirane- Kreditë me probleme janë ulur lehtë në muajin tetor, duke regjistruar shifrën 5.12%, nga 5.24% që ishin në shtator të këtij viti. Niveli i huave me probleme prej muajsh po luhatet pranë këtyre shifrave, me ulje ngritje të vogla, por në raport me rezultatet e tetorit të vitit të kaluar janë më lart, kur ishin në 5%.

Referuar të dhënave të Bankës së Shqipërisë, në fund të muajit tetor totali i kredisë së dhënë për ekonominë ishte në vlerën 7.2 miliardë euro, nga e cila huaja e keqe përllogaritet 368.9 milionë euro.

Në krahasim me vitin e kaluar kreditë me probleme janë rritur me 16.9 milionë euro, pasi në fund të dhjetorit 2022, huaja e keqe përllogaritej 352 milionë euro.

Ndër shkaqet kryesore që po japin ndikim në luhatjen e huave me probleme janë rritja e kostove të jetesës dhe ndryshimi i normës bazë të interesit herë pas here nga Banka e Shqipërisë.

Rritja e shpenzimeve si pasojë e inflacionit të lartë, po ul fuqinë paguese të qytetarëve, dhe nga ana tjetër rritja e normave të interesit si pasojë e lëvizjeve që po bën banka qendrore ka rritur kostot e kredive, duke e bërë vlerën e këstit mujor edhe më të lartë.

Shtimi i huasë së keqe ishte i pritshëm edhe nga Banka e Shqipërisë, pavarësisht se ende është i moderuar, pasi rritja e normës bazë të interesit me qëllim kthimin e inflacionit në 3%, ende nuk i ka dhënë efektet e saj plotësisht.

Sipas ekspertëve të Bankës, një rritje e inflacionit sot, efektet e saj të forta i jep pas 2 tremujorësh (pas rreth 6 muajsh).

NIVELI I KREDIVE ME PROBLEME
Dhjetor 2022            5%
Tetor 2023               5.12%
Rritja                       +0.12%
KREDIA PËR EKONOMINË
Totali i kredisë          7.207 miliardë euro
Kredi me probleme  368.9 milionë euro
KREDITË ME PROBLEME
Dhjetor 2022           352.072.792 euro
Tetor 2023               368.998.071 euro
Diferenca              +16,925,279 euro

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ Mbyllja e TikTok, 81% e shqiptarëve pro vendimit të qeverisë

Sondazhi/ Mbyllja e TikTok, 81% e shqiptarëve pro vendimit të qeverisë

25 Dhjetor, 21:08