Presidenti rus Vladimir Putin ka autorizuar përpjekjet për të ndikuar në zgjedhjet e vitit të kaluar në SHBA në favor të ish-Presidentit Donald Trump, thuhet në një raport të publikuar nga zyrtarët e inteligjencës amerikane.
Presidenti rus, Vladimir Putin, “ka autorizuar disa organizata të Qeverisë ruse që të ndikonin në operacione, me qëllim denigrimin e kandidaturës së presidentit Joe Biden dhe të Partisë Demokratike, duke mbështetur ish-presidentin Donald Trump”.
Në raport theksohet se Moska përhapi "akuza të pabazuara" në lidhje me fituesin e zgjedhjeve dhe presidentin aktual, Joe Biden.
Megjithatë në raport theksohej se asnjë qeveri e huaj nuk kishte kompromentuar rezultatet përfundimtare. Raporti i paklasifikuar prej 15 faqesh, i publikuar nga Zyra e Drejtorit të Inteligjencës Kombëtare, thotë se nuk ka indikacione se aktorët e huaj kanë bërë përpjekje të ndikojnë aspektet teknike të zgjedhjeve, si ndërhyrja në fletëvotime ose tabela të votuesve.
Strategjia e Moskës është përqendruar në përdorimin e “përfaqësuesve të lidhur me inteligjencës ruse, për të çuar përpara narracionet e saj”, thuhet në raport.
Sidoqoftë, Rusia nuk ishte aq agresive sa në zgjedhjet e kaluara në përpjekjen për të goditur infrastrukturën zgjedhore. Raporti thotë se operacionet kibernetike të vitin e kaluar ndoshta nuk ishin të përqendruara në zgjedhje dhe përkundrazi ishin pjesë e një përpjekjeje më të gjerë për të marrë nën kontroll institucione të ndryshme në SHBA.
Irani po ashtu ka kryer “një fushatë të ndikimit të fshehtë për të dëmtuar rizgjedhjen e presidentit Trump”, por “nuk e ka promovuar në mënyrë aktive kandidatin demokrat Biden”, thekson raporti.
Sipas tij, qëllim i Iranit ka qenë të minonte besimin në zgjedhjet dhe institucionet amerikane dhe të nxiste ndarje brenda shoqërisë.
Udhëheqësi suprem i Iranit, Ajatollah Ali Khamenei, “ka autorizuar fushatën dhe ushtria e Iranit, si dhe shërbimet e tij të inteligjencës e kanë zbatuar atë, duke përdorur mesazhe të hapura dhe të fshehta, si dhe operacione kibernetike”, thekson raporti i inteligjencës amerikane.
Presidenti rus, Vladimir Putin do të paguajë ndërhyrjen në zgjedhjet amerikane, është shprehur kështu presidenti Joe Biden, pas publikimit të raportit të inteligjencës amerikane ditën e djeshme.
"Ai do të paguajë një çmim të rëndë për këtë. Do të shihni së shpejti", tha Biden.
Komentet e presidentit vijnë pas publikimit të një raporti të inteligjencës amerikane ku theksohet se Putin ishte pas ndërhyrjes në zgjedhjet presidenciale të Nëntorit, një akuzë që Rusia e quajti të pabazë.
"Unë e njoh atë relativisht mirë. Gjëja më e rëndësishme në raport me udhëheqës të huaj në përvojën time ... është vetëm njohja e personit tjetër".
Biden në fjalën e tij u shpreh se nuk mendon se lideri rus ka shpirt. I pyetur nëse mendonte se Putin ishte vrasës, Biden u përgjigje prerazi "Po."
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
VIDEO/ Mirlind Daku shënon dy gola në Rusi, ia dedikon Martinit: Ai shndrit parajsën
23 Nëntor, 22:43 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01
