Raporti i ISSH, sa lekë marrin 
pensionistët në fshat dhe qytet

TIRANE- Masa e pensionit mesatar të pleqërisë në qytet është 16 mijë e 500 lekë. Të dhënat e Institutit të Sigurimeve Shoqërore tregojnë se të ardhurat mesatare të të moshuarve  nuk janë më shumë se 17 mijë e 800 lekë. Në librin e statistikave të publikuar nga ISSH, përcaktohen të ardhuar dhe masa mesatare për të gjitha pensionet në fshat dhe qytet për 3 vitet e fundit, duke përfshirë ato që janë caktuar ndër vite dhe pensionet që janë caktuar deri në 1 janar 2015-t.

Masa mesatare e pensionit të pleqërisë në qytet për vitin 2012 ka qënë 12 mijë e 700 lekë, për vitin 2013-t 13 mijë lekë dhe për vitin 2014-t 16 mijë e 600 lekë. Rritja e pensionit mesatar në vitet e fundit për qytetin ka qënë nga 300-600 lekë. Ndërsa masa për pensionin e plotë të pleqërisë në qytet ka ardhur duke u rritur me 500-1000 lekë. Në vitin 2012-t të masa e pensionit të plotë ka qënë 15 mijë lekë, një vit më vonë 15 mijë e 500 lekë, kurse për 2014-t ishin 16 mijë e 500 lekë.