18 pacientë që vuajnë nga Leucemia Limfoide Kronike, që prej muajit shtator të vitit të kaluar nuk po marrin një prej medikamenteve kryesore për trajtimin e sëmundjes së tyre, barin Ibrutinib 140 mg, dhe kjo jo për shkak të mungesës së këtij medikamenti, i cili prej vitit 2018 është përfshirë në listën e barnave të rimbursueshme.
Një auditim i Kontrollit të Lartë të Shtetit i publikuar në mars, të cilin Report Tv e disponon, i shtirë në disa prej institucioneve kryesore, si Drejtoria e Përgjithshme e Fondit të Sigurimit të Detyrueshëm të Kujdesit Shëndetësor (FSDKSH), Reparti i Shërbimit të Hematologjisë në QSUNT dhe Farmacinë e FSDKSH në QSUNT, ka konstatuar se i vetmi medikament që shërben për trajtimin e Leucemisë Limfoide Kronike, është hequr për pacientët që kanë plotësuar afatin 2 vjeçar të trajtimit dhe janë në linjën e tretë të mjekimit.
Janë dy qëndrime kontradiktore në protokollin e marrjes së tij medikamenti kanë bërë që pacientëve tu ndërpritet mjekimi. Në protokollin e miratuar në 2018-ën thuhet se: “Trajtimi duhet të vijojë deri kur sëmundja të përparojë ose kur nuk tolerohet më nga ana e pacientit”, pra pa afat, e po në të njëjtin dokument afati i përdorimit vendoset 18-24 muaj.
Bazuar në këtë paqartësi, por edhe në domosdoshmërinë e marrjes së këtij medikamenti, Shefi i Shërbimit të Hematologjisë, Arben Ivanaj, me kërkesa të përsëritura që në muajin shtator i është drejtuar Drejtoreshës së FSDKSH, Albana Çela Adhami, e cila në po të njëjtin muaj është larguar më pas nga detyra duke i kërkuar të ndryshohet protokolli, duke hequr kufizimin kohor 18-24 muaj dhe duke lënë mjekimin pa afat siç e kërkojnë udhërrëfyesit e mbështetur në studime të FDA1.
“Aktualisht janë rreth 18 të sëmurë të cilëve ju kemi ndërprerë mjekimin më këtë bar, sepse kanë kaluar dy vite nga trajtimi. Rreth 62 të sëmurë të cilët mjekohen me Ibrutinib në linjë të tretë mjekimi, praktikisht për të gjithë këta të sëmurë do të kalojnë 2 vite. Për momentin nuk ka studime as në linjë të parë të mjekimit për mundësinë e ndërprerjes së mjekimit me Ibrutinib. Pra, duke u nisur sa më sipër mendoj se është e domosdoshme të hiqet kufizimi kohor i përdorimit me Ibrutinib në të sëmurët me LLC në linjë të tretë të mjekimit dhe të studiohet mundësia e përdorimit të tij në linjë të parë të mjekimit”.
Por kërkesa e argumentuar e Shefit të hematologjisë nuk ka marrë përgjigje, duke i rikujtuar se afati i përdorimit është nga 18-24 muaj.
KLSH duke konstatuar këto parregullësi, në raportin e audimit i kërkon shefit të Shërbimit të Hematologjisë të rifillojë menjëherë trajtimet e ndërprera ndaj pacientëve si dhe kërkon nga Drejtori i përgjithshëm i FSDKSH-së të marrë masa të menjëhershme për ndryshimin e Protokollit të kërkuar nga Shërbimi i Hematologjisë duke miratuar përdorimin e barit Ibrutinib 140 mg paafat për pacientët që vuajnë nga Leucemia Limfoide Kronike.
Nuk dihet nëse nga kjo mungesë e kurimit kanë përfituar spitalet private, të cilat në situata të tilla janë të vetmet ku njerëzit mund të përplasen.
Lajme të tjera
-
SPAK merr të pandehur deputetin e PS, Plarent Ndreca! Shkeli barazinë në tenderë si sekretar në Ministrinë e Brendshme! Nga 4 komisariate, u rikonstruktuan 2
25 Tetor, 11:54
-
Miratohet projektrezoluta, KLSH do të bëjë publik planin e auditimit, kohëzgjatjen dhe audituesit! Debate mes socialistëve për transparencën e institucionit
15 Tetor, 16:15
-
Mazhoranca ‘sherr’ për transparencën e KLSH-së, Braçe: 10 muaj një kontroll! Duhet afat për auditimet! Gjini: Cënohet pavarësia
8 Tetor, 20:28
-
Përmbytjet në Vlorë, tenderët dhe kontratat për rrugët e kanalizimet në 'sitën' e KLSH-së! Prokuroria ende asnjë hetim!
8 Tetor, 15:52 -
EKSKLUZIVE/ EMRAT e 53 ekspertëve që do të angazhohen në Komisionin antikorrupsion të drejtuar nga Fatmir Xhafaj! Mes tyre gruaja e Sokol Olldashit e ish këshilltari i Metës
10 Shtator, 10:47
-
Që 12 vjeçe me leucemi, Vojsava: Marr borxh për ilaçe, shteti s’mi rimburson
28 Korrik, 18:00
-
Pakt PS-PD! Miratohet me 90 vota pro dhe 4 kundër nën/Komisioni që kontrollon KLSH-në, opozita merr drejtimin! Spaho: Doni ta zaptoni! Kuvendi seancë maratonë
25 Korrik, 11:13 -
KLSh kërkoi shkarkimin e Drejtoreshës së buxhetit! Shalsi e thërret në ballafaqim me Shehun në Komisionin e Ekonomisë
23 Korrik, 13:22 -
Tabaku debat me Shalsin tek ‘Ekonomia’ për KLSH: Mos sulmoni institucionet e pavarura
19 Korrik, 15:33 -
Kreu i KLSH në Kuvend: S’ka regjistër për pronat shtetërore! Braçe: Hetoni 1 vit tregun e hidrokarbureve për çmimet
17 Korrik, 19:34
-
KLSH raporton në Komisionin e Ekonomisë: Kadastra ka regjistruar objekte informale! Pronat shtetërore janë të paregjistruara, 19 mijë hektarë u dhanë me qira
17 Korrik, 13:46 -
'Dje është hedhur një shashkë', Shalsi pyet kreun e KLSH për akulloret e kontaminuara: Çfarë ju shtyu në vitin 2024 të sillnit në komision një çështje 3 viteve më parë?
17 Korrik, 10:46
