POP 5

Lajmet më të lexuara të 5 minutave të fundit

Bota

Raporti për Papën, fshehu abuzimet seksuale, ish-nunci i SHBA-ve kërkon dorëheqjen e Bergolios

Ish-nunci apostolik në SHBA thotë se Papa ka qenë në dijeni të abuzimeve seksuale të ish-Peshkopit të Uashingtonit, por ka heshtur. Sipas tij, Vatikani ka patur dijeni që në vitin 2000 për këto abuzime.
Raporti për Papën, fshehu abuzimet seksuale, ish-nunci i SHBA-ve kërkon dorëheqjen e Bergolios

Papa Francesku

Një raport i firmosur nga ish-Nunci Apostolik në SHBA, Carlo Maria Viganò, i publikuar nga disa media ka tronditur thellë Papatin e Bergolios. Ish-Nunci dëshmon se Papa Françesku ka qenë në dijeni të abuzimeve seksuale të ish-Peshkopit të Uashingtonit, Theodore Mçarrik dhe sërish ka heshtur apo e ka promovua atë. Viganò, për të cilin gazeta italiane “Corriere della Sera” shkruan se bën pjesë të konservatorët që kundërshtojnë nismat dhe sjelljen e Papës së tanishëm, kërkon dorëheqjen e këtij të fundit.

“Në këtë moment shumë dramatik për Kishën universale, Papa duhet të njohë gabimet e veta dhe në koherencë me parimin e qartë të tolerancëz zero dhe duhet të jetë i pari që të japë një shembull të mirë për kardinalët dhe peshkopët që kanë mbuluar abuzimet e Mçarrik dhe të japë dorëheqjen bashkë më ta”, shkruan ndër të tjera Viganò.

Sipas tij, Vatikani ka patur dijeni që në vitin 2000 për abuzimet, vit kur Mçarrik u ngrit në detyrën e peshkopit të Uashingtonit. Hetimi ndaj tij nisi në vitin 2018, por për raporte seksuale me të rritur, ndryshe nga dëshmia e ish-Nuncit që deklaron se abuzimet e tij kanë qenë me seminaristë.

Sipas tij, emërimi në detyrën në fjalë nuk është vepër e Papa Vojtilës, por e ish-sekretarit të Shtetit, Sodano, ndërkohë që Gjon Pali II ishte shumë i sëmurë.

Spekullimet janë se Sodano ka mbuluar informacionin pasi askush nuk do të pranojë se Vojtila të ketë gisht në këtë çështje.

Një arsye për këtë është se Mçarrik lëvizte në Vatikan me miq të nivelit të lartë dhe pjesë e Curias, çka mund të shpjegojë mbulimin për një kohë të gjatë të abuzimeve të tij.

Problematik është qëndrimi i Papës Benedikti XVI, që është vënë në dijeni për abuzimet e peshkopit nga ish-sekretari i Shtetit Tarcisio Bertone. Në vitin 2009, Benedikti veproi por përgjysmë, me sanksione sekrete.

Por akuza më e rëndë shkon ndaj Papa Franceskut, që ka dalë hapur me disa deklarata në mbështetje të afrimit të homoseksualëve me Kishën.

Sipas ish-Nuncit Apostolik, në mbështetje të Mçarrik dhe Papës janë peshkopët amerikanë filo-homoseksualë, qe sipas tij, që po diktojnë sjelljen e Vatikanit për çështje të tilla. Ai shkruan madje për një audiencë më Françeskun në vitin 2013 ku është folur për peshkopin, por Papa nuk ka bërë asnjë koment. Akuzat bashkë me kërkesën për dorëheqje vijnë ndërkohë që Bergolio e ka shkarkuar tanimë Mçarrik nga këshillimi Kardinalëve, një akt i paprecedent në kohët e sotme, por që lë shijen e një manovre në kushtet e një denoncimi konkret. Çështja ndërlikohet më shumë nisur nga fakti se ndërkohë që Françesku po kërkon falje në Irlandë, ai duket se ka preferuar të heshtë për një kohë të gjatë dhe të mbrojë të akuzuarit.

Për Mçarrik, Papa deklaroi se akuzat janë poshtërsi, por reagimi i peshkopit të Bostonit e detyroi të hapë hetime. Corriere insinuon se çështja Viganó rihap për diskutim arsyet e dorëheqjes së Papa Benediktit, i “vetmi që del i paprekur në këtë histori”. Do të japë apo jo dorëheqje Françesku kjo mbetet për t’u parë, por duhet thënë se Papari i tij është njollosur keq. (Respublica)

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

24 Nëntor, 08:37