Raporti që rindezi sherrin mes Metës dhe maxhorancës, e vërteta e qëndrimit të institucioneve të drejtësisë për çështjen e betimit

Raporti që rindezi sherrin mes Metës dhe maxhorancës, e vërteta e qëndrimit të institucioneve të drejtësisë për çështjen e betimit

Një raport i Komisionit të Ligjeve, që mban datën 6 shkurt 2019, është shkaku që rindezi konfliktin politik mes Presidentit Ilir Meta dhe mazhorancës. Meta akuzon shumicën se ka fabrikuar raportin, duke sajuar mbështetjen e institucioneve të drejtësisë pro ndryshimit të ligjit për Gjykatën Kushtetuese, ndryshim i cili parashikon t’i heqë nga dora Presidentit ceremoninë e betimit të anëtarëve të Kushtetueses, si instrument bllokimi. Po çfarë përmban ky raport, i cili nxiti Metën të thërrasë popullin në datën 2 mars, për të shpartalluar grushtin e shtetit të pretenduar prej tij? Në raport thuhet se, gjatë procesit të shqyrtimit të ndryshimeve ligjore, Komisioni i Ligjeve u ka dërguar projektligjin institucioneve të drejtësisë për dhënie mendimi.

Në raport nuk theksohet se cili ka qenë mendimi i këtyre institucioneve, por vetëm dërgimi i nismës për të dhënë mendim. “Në funksion të transparencës dhe konsultimit publik, pas përfshirjes së tij në Programin e Punës dhe Kalendarin e Punimeve të Kuvendit, projektligji “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë”, i ndryshuar u është dërguar paraprakisht për opinion: Këshillit të Emërimeve në Drejtësi; Prokurorisë së Posaçme për Luftën kundër Korrupsionit dhe Krimit të Organizuar; Shoqatës së  Gjyqtarëve; Shkollës së Magjistraturës; Fakultetit të Drejtësisë, të Universitetit të Tiranës; Komitetit Shqiptar të Helsinkit, Fondacionit SOROS, Qendrës “Res Publica”, Institutit të Studimeve Politike dhe USAID, duke u lënë në dispozicion një afat 10 ditor për paraqitjen e komenteve dhe sugjerimeve”, thuhet në raportin e Komisionit të Ligjeve.

Gjithashtu, në raport theksohet se “paralelisht me kërkesën për dhënien e mendimeve është ngritur edhe një grup pune me përfaqësues të organeve të reja të sistemit të drejtësisë (Këshillit të Lartë Gjyqësor, Këshillit të Lartë të Prokurorisë , Inspektorit të Lartë të Drejtësisë), Ministrisë së Drejtësisë, nën asistencën e ekspertëve të misionit EURALIUS. Në këto mbledhje ka marrë pjesë edhe Drejtuesi i Prokurorisë së Posaçme për Luftën kundër Korrupsionit dhe Krimit të Organizuar, për problematika të lidhura funksionimin e këtij institucioni”. Raporti është dërguar në seancë plenare, në bazë të të cilit Parlamenti ka votuar pro projektligjit. Ky raport konsiderohet nga Presidenti Ilir Meta si pjesë e grushtit të shtetit.

Sipas Metës Komitetit Shqiptar i Helsinkit është shprehur kundër projektligjit për mënyrën e betimit të anëtarëve të Kushtetueses. “Komiteti do të sugjeronte që këto projektligje t’i nënshtroheshin një konsultimi me Presidentin e Republikës dhe ekspertë. Lidhur me këtë propozim-pra, për betimin tek Lana-Komiteti vlerëson se ceremonia e betimit nuk mund të kryhet në mënyrë të shkruar, sepse betimi si akt i lartë që kërkon prezencën fizike”, ka pohuar Meta. Gjithashtu, Meta ka deklaruar se Kuvendi ka gënjyer kur ka thënë se për heqjen e kompetencave të presidentit për betimin e anëtarëve të gjykatës Kushtetuese, ka marrë edhe mendimin e Këshillit të Emërimeve në Drejtësi. Megjithatë në raport nuk thuhet asnjë fjalë se cili ka qenë mendimi i institucioneve të drejtësisë. Në fund të fundit, cilido që të ketë qenë mendimi i tyre, vendimmarrja sipas Kushtetutës i takon Kuvendit për ndryshimin e një ligji.

(Kliko këtu për të lexuar Raportin e Sherrit)

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • lilu: 20/02/2020 19:28

    Sali berisha e ka quajtur ILIR FLORIRI...... Per cfar duhet te dalim per te mbrojtur hajdutin.

    Përgjigju
  • Uzuni: 20/02/2020 16:39

    Heil hitler...

    Përgjigju
  • Papi: 20/02/2020 16:14

    Meqe vendos kuvendi sa duhet te jete shumica pro per nje ligj te tille 2/3,3/5, 50%+1?

    Përgjigju
    • Dega: 20/02/2020 17:05

      Shumice(mazhorance)e cilesuar 3/5 = 84 kuvendor!

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali