TIRANE- Shqipëria është përfshirë në vendet e rrezikuara nga aktet terroriste por dhe nga krimi kibernetik. Në paraqitjen e Strategjisë së Ushtrisë në komisionin e Sigurisë Shefi i Shtabit të Përgjithshëm të Forcave të Armatosura Gjeneral Major Jeronim Bazo, ka paraqitur pikat që duhet të jenë prioritet nga forcat e Armatosura shqiptare.

Pavarësisht se në strategji thuhet se treguesit politikë, ekonomikë dhe shoqërorë paraqesin një mjedis të brendshëm të sigurisë së vendit me tipare të qëndrueshme dhe me prirje drejt përmirësimit, në analizë vihet në dukje se me renditjen e Shqipërisë në NATO dhe me mbështetjen e luftës ndaj terrorizmit, vendi ynë rrezikohet nga aktet terroriste.