Raportonin për vrasjen e Cukut
policia gjobit makinat e televizioneve

Një ngjarje aspak e këndeshme ka ndodhur për median teksa raportonin nga Drejtoria e Policisë së Tiranës për shoqërimin e të dyshuarit si vrasës së kryekomisarit Artan Cuku.
 
Teksa makinat e televizioneve ishin në transmetim direkt në atë vend ku prej vitesh raportojnë, një efektiv i policisë rrugore është afruar dhe i ka gjobitur me 1 mijë lekë, mes tyre edhe makinën e Report Tv.
 
Ky gjest aspak bashkëpunues dhe presioni mbi median, nuk i ndali gazetarët të vijonin raportimin direkt.
 
Pas interesimit për këtë veprim aspak të zakontë, nga ana e Policisë është pohuar se gjoba është vendosur me urdhër nga lart, duke nënkuptuar drejtuesit.
 
Makinat ishin ndaluar në parkimin përballë drejtorisë së Policisë së Tiranës, në vendin e rezervuar për policinë dhe ata që kanë punë aty, por në këtë rast duket se prania e medias i ka bezdisur drejtuesit e policisë dhe kanë gjetur gjobën si mjet presioni për ti larguar që aty.
 
Le të shpresojmë që kur drejtuesit e policisë të dalin në konferencën e radhës për të reklamuar punën e tyre publikisht të mos gjobisin sërish makinat e medias.


Momenti kur policia i vendos gjobën makinës së Report TV


dy.b/shqiptarja.com