POP 5

Lajmet më të lexuara të 5 minutave të fundit

Kronikë

A është e vërtetë historia e Xhisielës dhe akuzat e policit? Prokuroria e Tiranës nis hetimet

Prokuroria e Tiranës nis hetimet pas denoncimit të policit Emiljano Nuhu se është kërcënuar nga disa politikanë për të mbyllur dosjen ku djali i deputetit Rrahman Rraja akuzohet për përdhunim. Prokuroria do hetojë edhe për dëshminë e Xhisielës
A është e vërtetë historia e Xhisielës dhe akuzat e policit? Prokuroria e Tiranës nis hetimet

Prokuroria e Tiranës

Një ditë pasi polici i Fushë-Krujës, Emiljano Nuhu deklaroi të ishte kërcënuar për të mbyllur dosjen hetimore në ngarkim të Rexhep Rrajës, djalit të deputetit socialist në Fushë-Krujë Rrahman Rraja, por edhe pasi dolën të dhëna të reja në lidhje me vajzën që thuhet të jetë keqtrajtuar e djegur me cigare në trup, Prokuroria e Tiranës nis hetimet.

Organi i akuzës siç raporton gazetari Arsen Rusta për Report Tv pritet të hedhë dritë nëse janë të vërteta akuzat e artikuluara prej tij që një grup me 10 persona, mes tyre vetë deputeti Rrraja, kryebashkiaku i Krujës Artur Bushi por ehde deputeti Taulant Balla kanë shkuar ta kërcënojnë në komisariat. Ai madje thotë se vëllai i deputetit i ka vënë pistoletën në kokë.

Pikërisht në lidhe me këtë histori pritet të hetojë Prokuroria e Tiranës. I përmendur nga Nuhu, deputeti Taulant Balla mohoi një ditë më parë çdo akuzë dhe tha se ditën për të cilë ne akuzon polici ndodhej në aktivitete të tjera të PS-së. Po sot edhe deputeti Rrahman Rraja e kryebashkiaku Artur Bushi mohuan të kenë qënë në mesin e 10 personave që kërcënuan policin, tashmë në arrati.

Sipas Rustës, prokuroria pritet të sekuestrojë regjistrat e veprimtarisë së tre institucioneve, fillimisht komisariatit nr. 3 në Tiranë ku Xhisela ka shkuar të bëjë kallëzim, i cili e ka dërguar drejt Fushë-Krujës. Po ashtu regjistrat e komisaritatit të Fushë-Krujës ku ka depozituar kallëzim, e më pas e ka tërhequr me pretendimin se ishte sqaruar me djalin e deputetit si edhe denoncimi i tretë pranë Shërbimit për Cështjet e Brendshme dhe Ankesat në Durrës.

A është e vërtetë historia që ajo tregon? A është përdhunuar Xhisela dhe po kërcënohet apo e ka trilluar vetë të gjithë historinë? Këto dhe të tjera pikëpyetje në lidhje me rastin pritet të zbardhen.

Një ditë më parë në një intervistë për Report Tv, Xhisiela ka deklaruar se askush nuk e ka kërcënuar të tërheqë diskutimin. Ajo thotë se është takuar me ish të dashur dhe është sqaruar. Vajza tha po ashtu se ditën kur ajo ka qenë në komisariat nuk ka qënë as deputeti Rraja dhe asnjë person tjetër publik.

 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Konjak: 27/09/2018 20:35

    Veprim i duhur,per zgjidhjen e problemeve,ne nje shtet ligjor.Prekuroria ne lartesin e duhur,ne nje koh rekord ,filloi punen pr zgjidhjen e ceshtjes.Fillim i mbar per zbardhien e se vertetes.Ja te shohim saktesin dhe vertetesine ngjarjeve.Populli kerkon te dije ,ku qendron e keqia ,kush eshte ai qe trazon.

    Përgjigju
  • Sondazhi i ditës: 17 Mars, 09:11

    Mendoni se Parlamenti i dalë nga zgjedhjet e 11 majit do të jetë më cilësor?

Lajme të tjera



×

Lajmi i fundit

'Po me TikTok-un, si i behët?', Rama me të rinjtë e njësisë 4, “thumbon” Berishën pas protestës: Do vështirësohet edhe më shumë

'Po me TikTok-un, si i behët?', Rama me të rinjtë e njësisë 4, “thumbon” Berishën pas protestës: Do vështirësohet edhe më shumë

19 Mars, 23:13