POP 5

Lajmet më të lexuara të 5 minutave të fundit

Opinion

Rasti Sarkozi dhe Basesku, përballë aferës së Klubit 'Partizani'

Sali Berisha dhe familja e vajzës së tij, bashkojnë në një çështje të vetme, dy dënimet e fundit të dhëna, në dy vende të Bashkimit Evropian, dy ditët e fundit. Nëse SPAK e ka të vështirë të ngre akuzën, le të lexoj dosjen e  Sarkozisë dhe atë të vajzës së peridentit rumun, për të kuptuar se si duhet të bëhemi një vend I Bashkimit Evropian

Rasti Sarkozi dhe Basesku, përballë aferës së Klubit 'Partizani'

Ioanna Basescu, Nikola Sarkozi dhe Sali Berisha

Një nga presidentët më karizmatikë të Francës, Nikolas Sarkozi është dënuar me tre vite burg për influencë të pushtetit të tij në një çështje korruptive, ndërkohë që vajza e Presidentit të Rumanisë Ioanna Basescu u dënua dje për pastrim paresh në një skemë të mundësuar nga pushteti I babait të saj.

Të dy dënimet që I përkasin dy vendeve të Bashkimit Evropian, njërit me demokraci të konsoliduar si Franca dhe tjetri një vend I ngjashëm me Shqipërinë, por si anëtar I BE, nëse I bashkon, janë dënime për afera shumë më të lehta se dënimi që duhet të jap drejtësia shqiptare për historinë e klubit sportiv “Partizani”, ku kryeministri I vendit, është kthyer në shërbëtor të familjes së vajzës së tij për të grabitur një pronë që ishte shtetërore dhe më pas për të grabitur dhe vet pronarët e vetëshpallur duke kaluar si pronar nga 1 e 64 në 1 të 3 e pronës pas ndërtimit.

Sarkozi është dënuar se ka influencuar me pushtetin e tij në një aferë koruptive, kurse Sali Berisha ka drejtuar me vetëdije dhe nerv një proces korruptiv të zhvatjes së pronës publike, duke e ditur që gjithë procesi I kthimit ishte I mbështetur mbi falsifikim.

Arkiva e shtetit e drejtuar nga babi I dhëndrit të tij, ka pranuar se tokat janë shpronësuar nga qeveria italiane gjatë luftës për llogari të aeroportit dhe pronarët janë dëmshpërblyer. Ajo pronë është pronë e shtetit shqiptar. Akuza e parë që bie mbi Sali Berishën është që edhe duke pasur dokumentin zyrtar të arkivës së shtetit, firmosur nga krushku I tij, që ajo është pronë e shpronësuar me pagesë, ka lejuar me vetëdije të transferohet tek familja e vajzës së vet.

Pikërisht pse ka qenë pronë e paligjshme dhe për këtë pronarët kanë qenë të vetëdijshëm, ata I janë nënshtruar sistemit të gjobave të dhëndrit të tij, në çdo hap administrativ që është bërë me urdhër të Sali Berishës, për ti dhënë atij një tarifë shërbimi, e cila e çoi atë pronar të 35 për qind të kullave që ndërtohen aty.

E ngjashme është dhe historia e vajzës së presidentit rumun për pastrim paresh. Milionat e paligjshme të korrupsionit të familjes Berisha janë pastruar në këtë skemë korruptive, ku një kompani e formuar me një mijë euro, bëhet pronare e miliona eurove në fund të procesit.

Sali Berisha dhe familja e vajzës së tij, bashkojnë në një çështje të vetme, dy dënimet e fundit të dhëna, në dy vende të Bashkimit Evropian, dy ditët e fundit.

Vet Sali Berisha duhet të akuzohet për influencë të pushtetit në një çështje korruptive në interes të familjes së vajzës, ndërsa familja e vajzës së tij, përveç falsifikimit të dokumenteve zyrtare, duhet të përballet me akuzën e pastrimit të pareve.

Nëse SPAK e ka të vështirë të ngre akuzën, le të lexoj dosjen e  Sarkozisë dhe atë të vajzës së peridentit rumun, për të kuptuar se si duhet të bëhemi një vend I Bashkimit Evropian. Është shumë e thjeshtë nëse kanë vendosur të bëjnë drejtësi. I kanë shembujt nga Bashkimi Evropian.

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Era e fortë në Lezhë, mbesin pa energji elektrike disa zona! Mjeteve të vogla të peshkimit iu kërkohet të mos dalin në breg

Era e fortë në Lezhë, mbesin pa energji elektrike disa zona! Mjeteve të vogla të peshkimit iu kërkohet të mos dalin në breg

26 Dhjetor, 11:28