POP 5

Lajmet më të lexuara të 5 minutave të fundit

Sport

Real Madrid nuk po ndalet më, zhgënjejnë Chelsea e City në Premier League (VIDEO-Golat)

Real Madrid mposht 3-1 Bilbaon , arrin fitoren e tretë radhazi dhe bashkëkryeson kampionatin spanjoll. Lacio ngec në barazim ndërsa zhgënjejnë Çelsi dhe Siti në Angli.

TIRANË- Real Madrid nuk po ndalet më duke mposhtur edhe Athletic Bilbaon 3-1. Los Blancos arrijnë fitoren e tretë radhazi në La Liga dhe kapin kreun e renditjes me 26 pikë po aq sa Sociedad e Atletico Madrid.

Ekipin e Zidane e ndihmon ndëshkimi me të kuq i Raul Garcias që në minutën e 14-të dhe Toni Kroos me një gol të bukur e mbyll pjesën e parë në avantazh. Baskët nuk dorëzohen dhe barazojnë në fillimin e pjesës së dytë me Capa. Megjithatë ajo e djeshmja do të ishte mbrëmja e Benzema. Sulmuesi francez shkëlqen duke shënuar dy herë mjaft bukur dhe i jep fitoren skuadrës së tij. Sot zbret në fushë Barcelona që pret Sociedad.

Lazio nuk ngre kokë në Itali dhe barazon 1-1 me Beneventon në transfertë. Goli i Ciro Immobile-s  nuk ishte i mjaftueshëm për kryeqytetasit dhe dueli i vëllezërve Inzaghi u mbyll në paqe. Lazio mban vendin e tetë duke qënë shumë pas në renditje.

Në ndeshjet e mesjavës në Premier League kanë zhgënjyer Chelsea dhe Manchester City. Blutë e Londrës u përmbysën nga Ëolves 2-1 dhe pësuan humbjen e dytë radhazi. Giroud i dha avantazhin skuadrës së Lampard por vendasit shënuan me Podence dhe Neto. Për Manchester Cityn erdhi barazimi i dytë radhazi. Goli i Gundogan nuk ishte i mjaftueshëm për të thyer WBA dhe ndeshja u mbyll 1-1./Përgatiti Andi Kapxhiu

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54