Real ngec ndaj Sociedad dhe mbetet 5 pikë nga Atletico, sonte Juventusi pret Spezian (VIDEO)

Në ndeshjen e fundit të javës së 25-të në La Liga Real Madrid barazon në shtëpi 1-1 ndaj Real Sociedad dhe ngjitet në kuotën e 53 pikëve duke mbetur pas me 5 pikë nga Atletico Madrid e vendit të parë.

Sociedad kaloi në avantazh me Portu në minutën e 55-të por skuadra e Zidane shmangu dështimin duke barazuar një minutë nga fundi me brazilianin Vinicius Junior që lunte ndeshjen e 100 me fanellën e Los Blancos. Me këtë barazim Real mbetet në vend të tretë duke mos parakaluar Barcelonën. Të dielën është derbi me Atleticon që do të vendosë shumë për çështjen e titullit.

Ndërsa në Serinë A sonte Juventusi do kërkojë rikthimin tek tre pikët në ndeshjen e javës së 25-të ndaj Spezias që luhet në Torino. Megjithëse është 10 pikë larg Interit kryesues trajneri Andrea Pirlo beson tek titulli kampion. Pritet duel interesant mes mbrojtësit të Kombëtares Ismajli dhe Ronaldos.

Përgatiti Andi Kapxhiu

B.K./b.ha./Shqiptarja.com
  • Sondazhi i ditës:

    Ku do të pushoni këtë verë?

Komento


×

Lajmi i fundit

John

Qëlluan me 20 plumba biznesmenin, zbardhen emrat e 3 autorëve! 2 prej tyre vëllezër