POP 5

Lajmet më të lexuara të 5 minutave të fundit

Sport

Reali 'bën ligjin', mposht Barcelonën dhe ka kreun! Liverpool poshtëron M.United në supersfidën e Premier League

Real Madrid ka treguar dhëmbët në El Clasico duke fituar 1-2 kundër barcelonës dhe për pasojë ka kapur edhe kreun e La Ligas. Ndërkohë në Premier League Liverpool ka poshtëruar me rezultatin 0-5 Manchester United.

El Clasico e parë e sezonit në La Liga i ka takuar Real Madrid. Skuadra ‘galaktike’ ka mposhtur me rezultatin 1-2 katalansit, duke i treguar se do ta kenë thuajse të pamundur për të luftuar për titullin kampion.

Ndeshja në ‘Camp Noun’ e mbushur plot me tifozë u zhbllokua në minutën e 32 nga mbrojtësi Alaba, i cili vulosi edhe shifrat e pjesës së parë. Barcelona u përpoq të reagonte, por në minutën e 93 Lucas Vasquez vrau çdo shpresë të kalanasve, duke dyfishuar rezultatin. I vetmi detaj pozitiv për Barcelonën në këtë ndeshje ishte goli i Aguerro-s, i pari për argjentinasin në këtë sezon që vlejti vetëm për statistike në minutën e 97.

Më këtë fitore Real Madrid ngjitet në vendin e parë pas 9 me 20 pikë, po aq sa Sevillia e vendit të dytë.

Ndërkohë në Premier League Liverpool i ka shkaktuar një disfatë të turpshme Manchester United. Skuadra e Kloop ka fituar 0-5 në Old Traford, duke shkaktuar një zemërim të madh tek tifozët e ‘djajve’. Në Manchester shkëlqeu Mohamed Salah që realizoi ‘tripletë’, ndërsa dy golat e tjerë u realizuan nga Keita dhe Diego Jota.

Kjo humbje mund të jetë edhe ndeshja e fundit për trajnerin Solskjaer për të cilin edhe më herët është folur se mund të shkarkohet. Sa i takon Liverpool-it kjo fitore e ka ngjitur në vendin e dytë me 20 pikë, 1 më pak se Chelsea kryesues.

Ne.k./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër

Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër

4 Maj, 23:02