TIRANE - Pavarësisht se gjatë këtyre ditëve Partia Demokratike është shfaqur në sytë e masës si e unfikuar në kauzën më të re të saj, në protesta të përshkallëzuara për largimin e Ilir Metës nga drejtimi i Kuvendit, mesa duket brenda së Djathtës gjërat nuk janë dhe aq të unifikuara sa serviren.

Kështu, këtë herë ka qenë brezi i ri në radhët e demokratëve, që ka shprehur pakënaqësitë përkundrejt kreut të selisë blu, Lulzim Basha. Koordinatorët e zgjedhur nga kreu demokrat Basha kanë kundërshtuar në një farë mënyre zonat, ku ky i fundit i ka caktuar për të bërë fushatë elektorale për zgjedhjet vendore të 21 Qershorit.