Reciprociteti për targat, Basha: Kosova është sovrane, Beogradi ta kuptojë sa më shpejt! Kjo është fytyra e Vuçiç, jo ajo që fsheh pas iniciativës në Novi Sad

Kryetari i Partisë Demokratike Lulzim Basha ka reaguar në lidhje me reciprocitetin e targave të makinave që Kosova i ka vendosur Serbisë. Basha shkruan se gjuha kërcënuese e Beogradit i përket një të shkuare dhe se Kosova po është një shtet i pavarur e se marrëdhëniet mes dy shtetesh sovrane funksionojnë mbi baza reciprociteti. Basha thekson se qendrimet e Beogradit ndaj vendimit legjitim të Kosovës, zbulojnë qëllimet e vërteta të Vuçiç dhe fshehjen pas fallsitetit të iniciativës së 'Open Balkan'.

'Gjuha kërcënuese e Beogradit i përket një të shkuare që askush nuk e kthen dot më! Kosova është shtet i pavarur dhe marrëdhëniet mes dy shtetesh sovrane funksionojnë mbi baza reciprociteti. Kjo është e drejtë e patjetërsueshme e Kosovës.

LEXO EDHE:
Bonusi i bebes, nga viti 2019 përfituan mbi 210 mijë fëmijë

Sa më shpejt ta kuptojë këtë Beogradi aq më mirë do të jetë për Serbinë dhe për marrëdhëniet mes vendeve të rajonit. Qëndrimet e Beogradit ndaj vendimit legjitim dhe që nuk cënon asnjë marrëveshje të nënshkruar në Bruksel nga qeveria e Republikës së Kosovës, zbulojnë qëllimet e vërteta të Vuçiç dhe fshehjen pas fallsitetit të iniciativës së Novi Sadit.'- shkruan Basha.

Lajmi kryesor:

Reciprociteti i targave, Rama mbështet Kosovën: Serbia të bashkëpunojë! Kurti, ambasadorëve: Ato lloj targash ose i përdorim të dyja shtetet ose asnjëra

M.Q./Shqiptarja.com

TAG:
• kosova
• kosova
• kosova
• kosova
• edi rama
• Albin Kurti
• shqiperi
• serbia
• reciprociteti