POP 5

Lajmet më të lexuara të 5 minutave të fundit

Politikë

Referendumi i Berishës nul dhe në kundërshtim me të dy statutet, votimi si në zgjedhjet e 26 majit 1996

Referendumi i organizuar nga grupi i Berishës në kundërshtim me të dy statutet, atë paralel që u miratua në stadium dhe me statutin zyrtar të Partisë Demokratike.

Referendumi i Berishës nul dhe në kundërshtim me të dy statutet, votimi si në zgjedhjet e 26 majit 1996

Sali Berisha duke votuar

Referendumi i zhvilluar sot nga Sali Berisha dhe grupi i tij i Foltores nuk ka asnjë efekt juridik, pasi është nul, i paligjshëm në mënyrë të shumëfishtë dhe në kundërshtim me të dy statutet e PD-së, statutin zyrtar dhe atë paralel. Statuti aktual zyrtar i Partisë Demokratike nuk parashikon në asnjë rrethanë zhvillimin e referendumeve për asnjë çështje. Sali Berisha dhe rrethi i tij e kanë bazuar referendumin në statutin paralel që miratuan të shtunën e kaluar gjatë mitingut në stadiumin kombëtar, të cilin e quajtën mbledhje të Kuvendit Kombëtar të Partisë Demokratike.

Vetë mbledhja e Kuvendit nga Berisha është e paligjshme pasi ndryshe nga sa parashikonte statuti në fuqi i PD-së, është shmangur verifikimi i firmave të delegatëve si dhe drejtimi i mbledhjes është bërë nga një komision si sajuar nga Berisha. Pika 2 e nenit 43 të statutit të PD-së parashikon që komisioni për drejtimin e Kuvendit kur thirret nga delegatët, caktohet nga kryetari i partisë, pra nga Lulzim Basha.

Këto dy momente e bëjnë të paligjshëm Kuvendin e 11 dhjetorit që u mbajt në stadium. Për rrjedhojë edhe statuti i miratuar, mbi të cilin u mbajt sot referendumi për shkarkimin e Lulzim Bashës, është i paligjshëm. Statuti paralel i Berishës, megjithatë, ka shkuar për shqyrtim në gjykatë.

Statuti i ri paralel

Referendumi i mbajtur sot është në kundërshtim edhe me statutin paralel i miratuar në 11 dhjetor në stadium. Neni 43, pika 1, shkronja ‘ç’ e nenit 43 të statutit paralel të Foltores, parashikon që Kuvendi Kombëtar mund të hedhë në votim shkarkimin e kryetarit të partisë mbi bazën e një kërkesë të mbështetur nga të paktën 15 % e delegatëve të Kuvendit, ose 25 % të anëtarëve të Këshillit të Kombëtar, ose nga jo më pak se 7 deputetë të PD-së. Statuti paralel parashikon që Kuvendi mund të vendosë që vendimin e shkarkimit të kryetarit ta dërgojë për votim me referendum në bazë.

Në datën 11 dhjetor u miratua statuti i ri dhe po atë ditë, brenda disa orëve, Berisha shkarkoi Bashën në stadium. Askush nuk e di se kush e propozoi shkarkimin e kryetarit dhe se si u organizua procesi për disa orë. Gjithsesi, Kuvendi i Berishës vendosi që vendimi i shkarkimit të konfirmohej me referendum brenda javës në bazë.

Neni 11 i statutit të ri paralel parashikon mënyrën e mbajtjes së referendumit në PD. Ky nen parashikon që data e mbajtjes së referendumit nuk mund të caktohet më herët se sa 30 ditë nga data e publikimit të listës së kërkuesve të referendumit. Ky afat nuk është respektua pasi data e referendumit u caktua brenda javës.

Nga ana tjetër, statuti paralel nuk parashikon rregulla të detajuara për zhvillimin e referendumit, për organizimin e votimit, numërimit, certifikimin e rezultatit etj. Në statutin paralel thuhet se PD-ja miraton rregullave më të detajuara për të zhvilluar referendumin. Statuti paralel parashikon që referendumi organizohet nga i ashtuquajturi Komisioni i Rithemelimit. Komisioni i Rithemelimit ka ngritur Komisionin e Organizmit dhe Kontrollit të Operacioneve Elektorale për organizimin e referendumit, pas u bazuar në një rregullore të PD-së siç e parashikon statuti paralel, por mbi rregullave arbitrare.

Votimi i kompromentuar

Edhe sikur referendumi për shkarkimin e Lulzim Bashës të kishte bazë ligjore, procesi i votimit është i kompromentuar. Gjatë ditës së sotme ka votuar kushdo që mbante në dorë një kartë anëtarësia të Partisë Demokratike, pavarësisht se nuk e kishin emrin në listën e anëtarësisë, fakt i pranuar edhe nga grupi i Berishës. Në këtë mënyrë, një pretendent si anëtar i PD-së mund të votonte sot në të gjitha qendrat e votimit të rrethit ku banonte. Procesi i votimit kontrollohet vetëm nga një palë, konkretisht nga grupi i Sali Berishës. Për rrjedhojë numërimi do të kryhet nga njëra palë në ambiente të paautorizuara. Të dhënat për rezultatin dhe pjesëmarrjen janë gjithashtu ekskluzivitet i grupit të Berishës. Procesi i votimit ka ngjashmëri për zgjedhjet që organizoi Sali Berisha në 26 maji 1996, ku mbushi kutitë dhe certifikoi veten si President për një mandat të dytë, zgjedhje të cilat nuk u njohën nga Perëndimi.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Malua: 19/12/2021 06:01

    ike se le name pere pleqeri o vrases o kriminel qe si le gje pa bere keti vendi o Ree e zeze

    Përgjigju
  • O Berish: 18/12/2021 18:49

    O qen me morra.

    Përgjigju
    • Visi: 18/12/2021 20:08

      ✌????

  • leone: 18/12/2021 18:06

    Sektidumbabist berishist mund te beje cfare ti mbushet mendja! C'u duhet atyre se ka shtet,se ka rregulla e statut partie! Ka rendesi qe e ka vendosur :Mbreti i Gjullurdise" se bandes dumbabiste dhe Noka me Paloken.Shto ketu dhe "tre deleguaren" e Trampit ne krahun e djathte te Baces dumbabist!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

25 Dhjetor, 14:35