POP 5

Lajmet më të lexuara të 5 minutave të fundit

Arkiva

Reforma territoriale, këtë javë pritet miratimi i p/ligjit në qeveri

TIRANË, 21 Korrik/ATSH/.- Projektligji i reformës administrativo-territoriale pritet të miratohet më 23 korrik nga Këshilli i Ministrave, ndërsa më pas drafti do t’i kalojë për shqyrtim komisionit të posaçëm, i cili do t’ia përcjellë Kuvendit për miratim në seancën plenare të 31 korrikut. Miratimi i këtij pr/ligji kërkon 3/5 e votave të anëtarëve të parlamentit. […]
TIRANË, 21 Korrik/ATSH/.- Projektligji i reformës administrativo-territoriale pritet të miratohet më 23 korrik nga Këshilli i Ministrave, ndërsa më pas drafti do t'i kalojë për shqyrtim
komisionit të posaçëm, i cili do t'ia përcjellë Kuvendit për miratim në seancën plenare të 31 korrikut.
Miratimi i këtij pr/ligji kërkon 3/5 e votave të anëtarëve të parlamentit.
Komisioni i posaçëm miratoi më 17 korrik hartën e re territoriale të Shqipërisë që do të ketë 61 bashki. Në këtë vendim u arrit pas marrjes në konsideratë të mendimeve dhe opinioneve të shprehura nga njësitë vendore, si dhe nga Partia për Drejtësi, Integrim dhe Unitet (PDIU), e cila, ndryshe nga pjesa tjetër e opozitës, u përfaqësua në komision pak ditë më parë.
Drafti paraprak i qeverisë parashikonte hartën me 47 bashki, por pas propozimeve të të zgjedhurve vendorë dhe PDIU-së komisioni vendosi të shtojë dhe 14 bashki, nga Veriu në Jugt, duke sjellë draftin përfundimtar me 61 bashki.
Në ndarjen e re territoriale u pranua varianti i PDIU-së për të përfshirë bashkinë e Konispolit, mes bashkive të reja, e cila popullohet kryesisht nga shqiptarë me origjinë çame. Në variantin paraprak Konispoli ishte pjesë e Bashkisë Sarandë.
Por, përfshirja e propozimeve të PDIU-së në variantin final, ngjalli reagimin e Partisë Bashkimi për të Drejtat e Njeriut(PBDNJ), pjesë e maxhorancës qeverisëse. Kryetari i saj, Vangjel Dule tha se ndarja është klienteliste dhe politike dhe kjo sipas tij është e papranueshme. Dule pretendon se me hartën e re është shkelur parimi i respektimit të minoriteteve dhe se Himara, sipas tij, është rasti më i spikatur. Por, megjithë kundërshtimet e PBDNJ-së mazhoranca nuk pritet të ndryshojë qëndrim për shtrirjen e bashkisë së re të Himarës, e cila me ndarjen e re territoriale parashikohet të bashkohet me Vranishtin dhe Lukovën.
Komisioni i posaçëm për reformën administrativo-territoriale i ngritur nga parlamenti, nisi nga puna tre muaj më parë, ndërsa Partia Demokratike e opozitës nuk u bë asnjëherë pjesë e tij. Vetëm disa javë më parë, PD kërkoi që reforma e re e territorit të nisë nga decentralizimi i kompetencave të pushtetit vendor dhe më pas të shkohet tek ndarja e re administrative. Por, kjo nuk u pranua nga mazhoranca, e cila është shprehur se reforma e decentralizimit do të nisë në shtator. Ulja e numrit të njësive vendore pritet të përmirësojë shërbimet për qytetarët dhe të lehtësojë proceset zgjedhore. /a.s/./a.g/

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Milani përballet me Real Madridin, Fonseca: Jemi të motivuar, Leao luan nga minuta e parë

5 Nëntor, 15:19