Reforma territoriale, Meta: 
Justifikimet e PD-së s'qëndrojnë

ELBASAN- Kreu i LSI-së, Ilir Meta edhe një herë i bëri thirrje opozitës që të kontribuojë në reformën administrative, që sipas tij gëzon mbështetje të fortë edhe nga ndërkombëtarët. Në një takim me strukturat e LSI-së në Elbasan sot pasdite, Meta theksoi se kjo reformë është në interes të shqiptarëve dhe do të ndihmojë në menaxhimin më të mirë të të ardhurave.
 
“Opozita nuk duhet ta humb këtë mundësi dhe justifikimet e opozitës nuk qëndrojnë sepse kjo është në interes të publikut. Opozita nuk duhet ta pengojë një reformë që duhej të bëhej me kohë”, tha kreu I LSI-së.
 
Më tej Meta tha se kjo reformë do t’i rezistojë kohës, “Në do te kemi nje reformë cilësore e cila do t’i rezistojë kohës. Opozita duhet të kontribojë në këtë reformë të re sepse është në inters të të gjithë popullit shiptar.”
 
Sot, në 23-vjetorin e themelimit të degës së PD-së në Korçë, kreu i PD-së, Lulzim Basha ripërsëriti qëndrimin e opozitës se do të kundërshtojë me ngulm reformën territoriale administrative. 

370 NJËSI VENDORE, JO EFIKASE, SHPËDRORIN TAKSAT

Në vijim, Meta sqaroi edhe arsyet se përse kjo reformë është e domosdoshme.
 
“Janë 370 njësi vendore, dhe ky numër është i madh, nuk është efikas dhe shpërdoron taksat shqiptare. 150 komuna muk realizojnë shërbimet për banorët dhe qytetarët.  Nuk mund të vazhdohet më me këtë mënyrë. Në këtë strukturë ne harxhojmë 80 milionë dollarë prandaj është e domosdoshme që opozita të përfshihet në këtë reformë”, u shpreh Meta.
 
Sipas kreut të Kuvendit, reforma “prek 3 milionë shqiptarë dhe ndihmon që të ardhurat të menaxhohen më mirë.”
 
Redaksia online
(e.sh/shqiptarja.com)

 

/Shqiptarja.com