Reforma Zgjedhore, Kuvendi
shtyn afatin e komisionit

TIRANË – Rikthehet në Kuvend debati për mandatin e deputetit të ri të Partisë Socialiste, Edison Konomi. Në fillim të seancës së kësaj të enjte, deputeti socialist Erion Brace ka akuzuar mazhorancën se nuk përfshin në kalendarin e punimeve, nismat ligjore të propozuara nga socialistët si edhe zvarritet futja në sallë e deputetit të ri.

“Ky vend është pa kufij që pas ndryshimeve që janë bërë në ligjin actual për kufijtë. Nuk arrij ta kuptoj se si nuk ju shqetëson ky fakt. Nisma ka dy herë që programohet në programin e punës së kuvnedit nuk hyn në kalendarin e komisionit të sigurisë dhe ligjeve. Me mandatin e deputit kujtuam se me vendimin e KQZ u zgjidh çdo gjë, nuk arrij ta kuptoj pse shtyhet kur edhe kqz ka marrë vendimin për t’i dhënë mandatin e deputetit. Ende nuk po mblidhet këshilli që e drejtoni ju për t’i dhënë rrugë kësaj çështje”, tha Braçe.

Kryeparlamentarja Topalli tha se deputeti i ri ka edhe një mandate, sipas saj antikushtetues si anëtar i këshillit bashkiak të Durrësit.

“Administrata i ka dërguar letër Këshillit Bashkiak të Durrësit që Edisoni të dorëzojë mandatin si anëtar i këtij këshilli. Pasi të dorëzojë ai këtë mandate do mblidhet Këshilli i rregullores dhe pastaj sipas procedurave do ulet në sallën e Kuvendit. Sa për ligjet, po të dini t’i lexoni, ato i keni në rend dite”, tha Topalli.

SHTYHET AFATI I KOMISIONIT PER REFORMEN ZGJEDHORE
Kuvendi vendosi të enjten të shtyjë deri më 15 maj mandatin e komisionit të posaçëm parlamentar për reformën zgjedhore. Kryetarja e Kuvendit, Jozefina Topalli, tha se me kërkesë të dy bashkëkryetarëve të komisionit, Ilir Rusmali (PD) dhe Damian Gjiknuri (PS), është kërkuar shtyrja dhe me dy javë e punës së këtij komisioni, i ngritur me vendim të Kuvendit më 17 nëntor, me qëllim amendimin e kodit zgjedhor në bazë të rekomandimeve të OSBE/ODIHR.

Gjatë seancës janë miratuar edhe marrëveshjet e parashikuara në rendin e ditës, si dhe dy pr/rezoluta: ajo “Për vlerësimin e veprimtarisë së KLSH" dhe "Për vlerësimin e veprimtarisë së Këshillit Drejtues të Radiotelevizonit për vitin 2011". Gjatë seancës ka pasur debate për deputetin e ri socialist, i cili do të zëvendësojë Rudina Seserin.



P/LIGJI PER TE DHENAT PERSONALE
Ministri i Punëve të Brendshme Bujar Nishani vlerësoi projektligjin për mbrojtjen e të dhënave personale të qytetarëve. Ministri Nishani, duke folur në seancën e sotme plenare në Kuvend mbi këtë projektligj, u shpreh se modeli austriak, i cili është adoptuar në Shqipëri, është përcaktuar për tre vite radhazi si modeli më i mirë evropian i mbajtjes dhe ruajtjes se të dhënave personale të qytetarëve".

Sipas tij, projektligji për mbrojtjen e të dhënave personale, mbështetet në direktivat e Bashkimit Evropian. "Standardi që kemi arritur është absolutisht ndër më të mirët për ruajtjen e të dhënave për qytetarët shqiptare, - deklaroi Nishani.

(aq/shqiptarja.com)

TAG:
• kqz
• OSBE