TIRANE- Kreu i PD-së, Lulzim Basha tha pas takimit me Sekretarin e OSBE-së, Thomas Greminger, se opozita është gatshme për të bashkëpunuar për Reformën Zgjedhore, por që ky dialog duhet të ndodhë jashtë parlamentit.Basha tha se OSBE do ndihmojë në dialogun politik mes palëve për t'i dhënë fund krizës politike.
Për Lulzim Bashën nuk mund të ketë dialog brenda një parlamenti, siç e quajti ai, ilegjitim. Basha nuk e njeh Komisionin e Reformës Zgjedhore, duke shtuar se ndryshimi është i domosdoshëm dhe i pandalshëm, dhe kjo duhet të vijë nga partitë politike.
“Për këtë duhet vullnet politike për të miratuar dhe zbatuar këtë reformë. Kjo është arsyeja pse aleatët kanë vënë në dispozicion të qytetarëve gjithë ekspertizën tonë. Nga ana tjetër duhet vullnet politik. Kemi diskutuar për ndihmë që OSBE do japë në këtë drejtim, në rolin që ka OSBE për t'i kujtuar vendeve anëtarë kushtet e demokracisë dhe për të ndihmuar në dialogun politik të kërkuar edhe nga BE edhe nga Gjermani për t'i dhënë fund krizës politike. Për opozitën rruga është e qartë për zbatimin e kushteve të Bundestagut, për Reformën Zgjedhore dhe mbajtjen e dy palë zgjedhjeve në ditë. Për mua produkti duhet të jetë një Reformë Zgjedhore për të realizuar këtë reformë. “-tha Basha.
Kreu i PD-së ka folur edhe për draftin e PS-së, për të cilin u shpreh se do të ketë një qëndrimin më vonë.
“Do e shohim drafti e PS dhe më pas do e komentojmë. Nuk mund të ketë zgjedhje të lira dhe të ndershme me këtë zgjedhje të lira dhe të ndershme. Duhet të zhdukim njëherë e përgjithmonë dramën e përsëritet. Dialog brenda pseudo parlamentit nuk mund të ketë. Propozimi i Gjiknurit është budëllallëk. Ajo që shikojmë është se kjo qeveri dhe ky kryeministër nuk mbajnë përgjegjësi për dështimin në BE, në dështimin për t'i dhënë mundësinë qytetarëve për të zgjedhur pushtetin vendor. Këta bëjnë të tjera tendera korruptivë. Megjithatë rruga është e qartë për t'i kthyer shqiptarëve të drejtën që i është marrë. Nuk ka Komision të Reformës Zgjedhore por Komisariat të PS. Le t'i japim fund kësaj shfaqjeje. As socialistët nuk e duan këtë gjendje. Kjo duhet të marrë fund. Për interesat e Edi Ramës Shqipërisë i janë mbyllur dyert e Europës.”, tha Basha
Po kështu Sekretari i Përgjithshëm i OSBE, Thomas Greminger është takuar edhe me kryeministrin Rama. Në ktë takim është diskutuar gjerësisht për sfidat që presin Shqipërinë me marrjen e e Presidencës së radhës nga Shqipëria të OSBE. Lajmin e ka bërë të ditur ministrja për Marrëdhëniet me Parlamentin Elisa Spiropali:
"Në takimin e veçantë të pritjes së Sekretarit të Përgjithshëm të OSBE-së, Thomas Greminger nga Kryeministri Rama. Një diskutim i gjerë për sfidat që e presin Shqipërinë me marrjen e Presidencës së radhës së OSBE e deri tek dialogu politik i brendshëm e reformat sfiduese që ka ndërmarrë vendi ynë,ishin çështjet që fiksuan boshtin e bisedës së këtij takimi. Angazhimi dhe agjenda jonë e qartë perëndimore, shkak për progres të #pandalshëm" shkruan Spiropali.
Një ditë më parë, bashkëkryetari i Komisionit për Reformën Zgjedhore, socialisti Damian Gjiknuri i bëri thirrje PD-së të sjellë draftin e saj për reformën, përmes OSBE-së, duke theksuar se “do të bëjmë çmos që propozimet e tyre të merren parasysh”. Po ashtu, ditën e djeshme partitë e opozitës së bashkuar zhvilluan një takim, lidhur me propozimet për Reformën Zgjedhore. Produkti i opozitës pritet që të zyrtarizohet brenda 30 ditësh, ndërsa më drafti do i dërgohet ambasadorit të OSBE-së për t'ia propozuar shumicës, duke bërë ndërmjetësin mes palëve për të gjetur pikat e përbashkëta.
Pavarësisht se Basha u tërhoq pak ditë më parë nga kushti që ndërkombëtarët të drejtonin Komisionin e Reformës Zgjedhore, Bardhi thotë se PD-ja i qëndron pikës për strukturën e posaçme, ndërsa shton se parlamenti nuk ka punë me reformën, pasi janë partitë që duhet ta bëjnë.
Komente
Lajme të tjera
-
Padia e dytë në Kushtetuese për listat e mbyllura, Shabani: Rama e Berisha bashkë për të kthyer sistemin e 2008-s
16 Shtator, 11:37 -
‘Zgjedhorja’/ Ku kanë ngecur palët politike? Sfidë depolitizimi i administratës zgjedhore! Financimi i partive e shitblerja e votave kërkojnë adresim
13 Gusht, 22:12
-
Begaj dekreton ndryshimet në Kodin Zgjedhor: Fryt i marrëveshjes pozitë-opozitë, vota e diasporës historike! Lista e mbyllur? Nuk është tagri im
30 Korrik, 14:12 -
Mero Baze: Përse Berisha dhe Rama nuk kanë të njëjtin hall me sistemin
28 Korrik, 08:39
-
Spartak Ngjela: Turp historik! Nuk lejojnë votim të lirë, e nuk dinë të bëjnë asgjë tjetër veçse të rrinë në pushtet për privilegje
28 Korrik, 07:55
-
Politika s’ka moral, por kjo jona s’ka edhe logjikë
27 Korrik, 22:36
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
A jeni dakord me 2/3 e listës së deputetëve të hapur dhe 1/3 e mbyllur? Ja si u votua në sondazhin e Shqiptarja.com
27 Korrik, 21:55 -
Mero Baze: Intervista e Ahmetajt si zhurmuese e pazarit për Kodin e zgjedhjeve
27 Korrik, 21:09
-
Ndryshimet në Kodin Zgjedhor, Begaj refuzon futjen menjëherë në fuqi: Ligji do kalojë procedurat normale të dekretimit
27 Korrik, 20:28 -
Preç Zogaj: Reforma e bunkerizmit të kastës plurale solidare përballë drejtësisë dhe SHBA
27 Korrik, 20:07
-
Alibeaj kërkesë Presidentit Begaj: Mos dekreto ndryshimet në Kodin Zgjedhor, me listën e mbyllur do zgjidhen deputetë të privilegjuarit e kryetarëve
27 Korrik, 17:45
Nuk njeh komisionin e reformes zgjedhore po ket temin e njeh i Lululush Bibilush?
PërgjigjuKy eshte komplet tutkun
PërgjigjuCësht ky injorant,,,,Nuk ka punë parlamenti thot !!! Po ku do të votohet si përfundim mor kerric,, në kasollen e pd???PARLAMENTI BËN LIGJIN.se bën maliqi
Përgjigju