POP 5

Lajmet më të lexuara të 5 minutave të fundit

Politikë

Reforma zgjedhore/ Zbardhet drafti i depozituar nga PS për emigrantët, votimin elektronik por pa reklamat

Për herë të parë do të mundësohet edhe votimi i shqiptarëve që jetojnë jashtë vendit dhe sipas draftit, Votat e diasporës i bashkohen qarkut Tiranë. Po sipas këtij drafti, partive dhe institucioneve u ndalohet reklama në media 3 muaj para zgjedhjeve

Edhe pse nuk ka dakordësinë e Partisë Demokratike, mazhoranca socialiste ka depozituar në Kuvend një projektligj për reformën zgjedhore, kur përfshihen dhe kërkesat e opozitës për përdorimin e teknologjisë në zgjedhje. 

Drafti i PS autorizon KQZ-në që të përdorë sisteme ose pajisje teknologjike për identifikimin biometrik të votuesve, votimin përmes pajisjeve elektronike, si dhe numërimin elektronik të votave të hedhura.

Sipas këtyre parashikimeve, përdorimi i teknologjisë në zgjedhje duhet të aplikohet vetëm pasi të testohet me sukses, veprim ky që zor se mund të arrihet në zgjedhjet e qershorit të ardhshëm, për shkak të kohës së gjatë që duhet për tenderimet.

Drafti parashikon edhe kërkesën e PS-së për votën e emigrantëve vetëm për zgjedhjet parlamentare. Propozohet që votat e diasporës tu shtohen mandateve në qarkun Tiranë, duke u konsideruar si një qendër votimi e posaçme.

Emigrantët do ta marrin fletën e votimit përmes Postës Shqiptare në adresat e tyre zyrtare të banimit jashtë vendit, vetëm nëse ata do të kenë deklaruar vendbanim të përhershëm jashtë Shqipërisë, si dhe nëse kërkojnë të marrin pjesë në votime.

Sipas këtij amendamenti, Partitë politikë dhe çdo kandidat e ka të ndaluar bërjen e reklamave politike në mediat publike e private kundrejt pagesës 3 muajt fundit para zgjedhjeve. Këtë ndalim e kanë edhe institucionet shtetërore.

Një tjetër risi e amendamenteve është ajo që garanton barazinë gjinore në kandidim. Mosrespektimi i kuotave gjinore tani ndëshkohej me gjobë, ndërsa PS propozon që listat që nuk plotësojnë kriteret gjinore të mos pranohen fare nga KQZ. 

PS kërkon që ndryshimet në Kodin Zgjedhor të votohen brenda kësaj jave, por në Konferencën e Kryetarëve PD e ka kundërshtuar. Në kushtet kur ndryshimi i Kodit kërkon 84 vota, pa konsensusin e opozitës miratimi i tyre është i pamundur.

( Kliko këtu ) për draftin e plotë të Kodit Zgjedhor të ndryshuar

/xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fredi: 18/12/2018 15:13

    Emigrantët do ju pshurrin në gojë dhe jo t ju votojnë! Kjo politikë felliqesire e 28 vjeteve, i çoi emigrantët mish për top dhe nuk por dhi, asiher për ta! Yyyyyyyt!

    Përgjigju
    • Leone-53: 18/12/2018 16:43

      Ne do votojme por KURRE per PS-ne e PD-ne, simotrat e njera tjetres!

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka

Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka

25 Dhjetor, 18:45