POP 5

Lajmet më të lexuara të 5 minutave të fundit

Regina Murati, e plagosur, por është drejtësia që po vjen

Regina Murati po vjen! Një esencë mençurie, drejtësie, kthjelltësie, force që nuk është parë ndonjëherë. Nuk ka nxitim. Po rritet, po forcohet, po përgatitet të bëjë drejtësi dhe të bëjë një Shqipëri më të mirë.

Regina Murati, e plagosur, por është drejtësia që po vjen

Regina Murati ishte 6 vjeçe kur mbeti e plagosur rende nga shperthimi me 15 mars 2008 ne Gerdec

Të dëgjosh e të ridëgjosh Regina Muratin në dokumentarin e bërë nga Top Story në 2019, “Gërdeci i plagosur” (e gjeni në youtube lehtësisht), është sikur dëgjon e ridëgjon një gurgullimë uji të pastër, të ftohtë si burimi më i thellë e më ekskluziv që pritet të dalë nga thellësia dhe pastërtia e Tokës. Vini re! Kini kujdes! Regina Murati po vjen! Një esencë mençurie, drejtësie, kthjelltësie, force që nuk është parë ndonjëherë. Nuk ka nxitim. Po rritet, po forcohet, po përgatitet të bëjë drejtësi dhe të bëjë një Shqipëri më të mirë. Ishte vetëm 6 vjeç kur shpërthimi i tmerrshëm e plagosi rëndë duke i marrë një krah e duke i lënë gjurmë në ballin e lartë, duke i qëndisur një mençuri të pazakontë, një këmbëngulje të fortë për të flakur larg çdo mëshirë.

E keni vënë re? Janë gra, janë vajza, njëra pas tjetrës: Zamira Durda në krye, Ornela Canaj, Esmeralda, vazja nga Përmeti që dëshiron të bëhet prokurore e të tjera që nuk dorëzohen e që ëndërrojnë e luftojnë për Drejtësi. Ditë pas dite, si bletë të palodhura në një realitet shumë të vështirë, hedhin pjalmin e të ardhmes që është e sigurtë: Falë tyre, do të jetë më e mirë.

Dosja e shumëpërfolur dhe e keqhetuar e Gërdecit rikthehet për hetim në SPAK vetëm falë betejës së jashtëzakonshme të Zamira Durdës dhe familjes së saj që në tragjedinë e Gërdecit humbi Erin, djalin e vogël. Plagë të pambyllura për shumë e shumë familje bashkë, të cilat nuk janë lënë të qeta në gjithë këto vite të përjetojnë zinë e tyre nga autorët dhe fajtorët e pandëshkuar, jo vetëm të papenduar, por edhe sfidues të padurueshëm me luksin, pushtetin, arrogancën e tejskajshme. Por ndoshta Regina, Zamira e të afërmit e tyre kanë besim, ndoshta ata e dinë më mirë se të gjithë ne se diçka ka ndryshuar përgjithmonë, se drejtësia ka marrë rrugën e saj pa kthim.

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Ministri Igli Hasani viziton Kievin: Mbështetje e palëkundur e Shqipërisë për sovranitetin e Ukrainës! Forcim i bashkëpunimit mes dy vendeve

Ministri Igli Hasani viziton Kievin: Mbështetje e palëkundur e Shqipërisë për sovranitetin e Ukrainës! Forcim i bashkëpunimit mes dy vendeve

17 Janar, 14:31