TIRANË- Koronavirusi ka shënuar viktimën më të re që prej nisjes së pandemisë në vendin tonë. Një 5-vjeçar nuk e fitoi dot betejën me COVID-19, i cili vuante nga bronkopneumonia. Ndërkohë, si rezultat i 3.559 testimeve, 650 qytetarë kanë rezultuar pozitivë në 24 orë. Bashkë me 5-vjeçarin janë shënuar 8 viktima.
Ministria e Shëndetësisë bën me dije se rastet e reja janë identifikuar në këto Bashki:
252 në Tiranë, 36 në Elbasan, 35 në Fier, 27 në Shkodër, 29 në Sarandë, 21 në Durrës, Kamëz, 19 në Vlorë, Gjirokastër, 17 në Lushnjë, 13 në Lezhë, Patos, 12 në Memaliaj, 11 në Krujë, Mallakastër, 10 në Vorë, 7 në Vau i Dejës, Kukës, Tropojë, Tepelenë, Pogradec, Gramsh, 6 në Kurbin, 5 në Mat, Himarë, Libohovë, Përmet, 4 në Kuçovë, 3 në Has, Maliq, Poliçan, 2 në Mirditë, Kavajë, Bulqizë, Delvinë, Dimal, Librazhd, 1 në Pukë, Fushë Arrëz, Shijak, Dibër, Divjak, Konispol, Këlcyrë, Devoll, Berat, Belsh, Peqin.
Aktualisht në të gjithë vendin janë 7.258 pacientë aktivë, ku 158 prej tyre po marrin trajtim mjekësor në spitalet COVID, nga të cilët 14 janë në gjendje më të rënduar. Në 24 orë janë shëruar 482 qytetarë duke e çuar numrin e përgjithshëm të të shëruarve në 172.464 që nga fillimi i epidemisë.
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.
Statistika (26 Tetor 2021)
Raste të reja ditore 650
Të shëruar në 24 orë 482
Të shtruar në spitale 158
Humbje jete në 24 orë 8
Testime ditore 3,559
Testime totale 1,289,520
Raste pozitive 182,610
Raste të shëruara 172,464
Raste Aktive 7,258
Humbje jete 2,888
Shpërndarja gjeografike e rasteve aktive sipas qarqeve:
Tiranë 3703
Fier 867
Durrës 720
Shkodër 465
Elbasan 305
Gjirokastër 226
Korçë 191
Lezhë 191
Vlorë 204
Berat 174
Kukës 142
Dibër 70
Në vendin tonë kanë mbërritur 117 mijë doza ta vakisnës ‘Pfizer’, të cilat janë pjesë e kontratës së dytë të qeverisë shqiptare me kompaninë. Kështu bën me dije ministrja e Shëndetësisë Ogerta Manastirliu e cila njofton se deri tani në vend kanë mbërritur 2,496,960 vaksina anti COVID-19.
‘Mbërritën në Shqipëri 117,000 doza të vaksinës Pfizer, pjesë e kontratës së dytë të qeverisë shqiptare me kompaninë. Deri tani kanë mbërritur në vendin tonë 2,496,960 vaksina anti COVID-19, për të vijuar pa u ndalur me vaksinimin “derë më derë”, për mbrojtjen e shëndetit dhe jetës së qytetarëve.’- njofton ministria.
COVID-19 ka shënuar ditën e sotme viktimën më të re në vend që nga nisja e pandemisë. Ditën e sotme ka humbur jetën një fëmijë 5 vjeç, nga Saranda, i cili është edhe fëmija e parë në vend që humb jetën nga koronavirusi.
5-vjeçari vuante nga bronkopneumonia që dobën mushkritë. Ai ishte i infektuar prej ditësh dhe fillimisht ishte shtruar në spitalin e Sarandës, por me përkeqësimin e gjendjes së tij, më 18 tetor është dërguar drejt Spitalit të Pediatrisë në Tiranë, por nuk ka mundur dot t’i mbijetojë virusit vdekjeprurëse.
Pak ditë më parë Komiteti i Ekspertëve ka pranuar propozimet e Komitetit të Imunizimit, duke vendosur lejimin e aplikimit të dozës së tretë të vaksinës për personat mbi 60-vjeç. Kjo dozë do të injektohet jo më herët se 6 muaj pas dozës së dytë dhe do të fillojë të aplikohet nga data 1 nëntor. Po ashtu Komiteti Teknik i Ekspertëve komunikoi vendimin për të lejuar edhe vaksinimin e fëmijëve mbi 16-vjeç, me konsensusin e prindërve dhe atyre 12-15 vjeç që vuajnë nga sëmundje dhe imuniteti i dobët, por me rekomandimin e mjekut.
Lajme të tjera
-
Denoncimi/ 2-vjeçari me tumor në bark nuk nis dot kimioterapinë, mungon medikamenti ‘Actinomycin D’ në QSUT
24 Dhjetor, 16:04 -
Koçiu: Rreth 55 mijë shërbime në banesë për të moshuarit dhe të sëmurët kronikë që nga Janari
13 Dhjetor, 16:59 -
OBSH: Shqiptarët 59.7% të shpenzimeve nga xhepi në shëndetësi! Koçiu: 130 milionë euro për rimbursimin e ilaçeve me buxhetin e 2025
12 Dhjetor, 16:34 -
Më shumë lekë për para e tetraplegjikët, rritet pagesa për paketën higjieno-sanitare! Nga 16 në 20 mijë lekë! Mbështetje edhe për kujdestarët
4 Dhjetor, 17:16
-
Minimumi jetik, ministrja Koçiu tregon pse u rrëzua amendamenti i PD-së: Duhet dakordësi për mënyrën si do të matet
4 Dhjetor, 15:30 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Vaksinat kundër kancerit të qafës së mitrës te vajzat, Koçiu: Janë aplikuar mbi 9,344 doza te moshat 13-20 vjeçe
23 Nëntor, 15:17 -
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
Importet e barnave nga India, Bangaldeshi e Kina me autorizim ministri, KLSH: Në 3 vite pa analiza fiziko-kimike
20 Nëntor, 07:44 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Koçiu: Shërbim dentar falas edhe të shtunën e parë të çdo muaji për të moshuarit
26 Tetor, 15:52 -
Partia Demokratike denoncon: Ministria e Shëndetësisë ka monopolizuar blerjen e oksigjenit mjekësor në duar të dy kompanive! Çmimi 3-4 herë më i lartë se rajoni
19 Tetor, 11:15
