Pavarësisht një përkeqësimi të lehtë të tregueseve të pandemisë, ku në javët e fundit është vënë re një rritje e rasteve të infeksionit, nuk është indikator për ndryshimin e masave anti-COVID. Ky vendim u bë me dije sot nga Komiteti Teknik i Ekspertëve, ku kryetarja Mira Rakacolli bëri me dije se niveli i masave shtrënguese mbetet po njësoj.
"Komiteti i Ekspertëve mendon se megjithë këtë përkeqësim të lehtë, niveli i masave shtrënguese mbetet njësoj, masat shtrënguese i përgjigjen indikatorëve, tërheqim vëmendjen për zbatimin me rigorozitet", tha Rakacolli.
Nga ana tjetër, Komiteti i Ekspertëve ka pranuar propozimet e Komitetit të Imunizimit, duke vendosur lejimin e aplikimit të dozës së tretë të vaksinës për personat mbi 60-vjecc. Kjo dozë do të injektohet jo më herët se 6 muaj pas dozës së dytë dhe do të fillojë të aplikohet nga data 1 nëntor. Po ashtu Komiteti Teknik i Ekspertëve komunikoi sot vendimin për të lejuar edhe vaksinimin e fëmijëve mbi 16-vjeç, me konsensusin e prindërve dhe atyre 12-15 vjeç që vuajnë nga sëmundje me ulje të imunitetit.
"Ne sugjerojmë që do vazhdojë të mbete prioritet mbulimi i popullsisë me dozën e parë dhe të dytë të vaksinës. Po ashtu vendosim që personat që janë mbi 60-vjeç të bëjnë dozën e tretëm, jo më herët se 6 muaj kur kanë bërë dozën e dytë, duke filluar nga data 1 nëntor. Fëmijët mbi 16-vjeç do të ftohen për t'i vaksinuar me konsensusin e prindërit. Do ftojmë për vaksinim edhe fëmijët 12-15 vjeç që kanë sëmundje me ulje të imunitetit", theksoi Rakacolli.
Drejtoresha e departamentit të sëmundjeve infektive në ISHP, Silva Bino, teksa bëri një pasqyrë të situatës së vaksinimit në vend tha se deri më tani janë kryer 1.8 milionë vaksinime, nga të cilat 900 mijë vaksinime me doza të para. Ajo theksoi se ka një mbulim jo të kënaqshëm të vaksinimit te të rinjtë, duke i bërë atyre thirrje që të mos hezitojnë të vaksinohen.
Masat anti-COVID në fuqi:
- Ora policore nga 23:00-06:00.
- Qytetarët të cilët hyjnë në Republikën e Shqipërisë nga të gjitha pikat kufitare duhet të plotësojnë një nga këto tre kushte:
1. Të kenë pasaportën e vaksinimit, ku nga data e vaksinimit të plotë të kenë të paktën dy javë.
2. Të kenë testin PCR negativ brenda 72 orëve ose testin e shpejtë të antigenit brenda 48 orëve.
3. Të kenë provë të kalimit të infeksionit Sars-Cov2, të vlefshme deri në 6 muaj pas shërimit.
Këto rregulla janë të vlefshme edhe për ata qytetarë të cilët kalojnë tranzit në Shqipëri.
Fëmijët deri në 6 vjeç nuk i nënshtrohen këtyre rregullave.
- Qytetarët shqiptarë rezidentë në Shqipëri, të cilët kthehen dhe nuk kanë një nga dokumentat e sipërcituara, duhet të vetëizolohen për 10 ditë dhe të informojnë autoritetin shëndetësor për të kryer një test në fund të periudhës së izolimit.
- Vazhdon të mbetet në fuqi urdhri për përdorimin e maskave në ambientet e mbyllura, në qendra tregtare, supermarket, dyqane, transport publik dhe në të gjitha ato vende ku nuk sigurohet distancimi fizik.
- Nuk lejohet grumbullimi i më shumë se 50 personave
- Vetëm 30% e kapaciteteve për spektatorë në aktivitete sportive e kulturore
Drejtoresha e departamentit të sëmundjeve infektive në ISHP, Silva Bino, bëri një pasqyrë të situatës së vaksinimit në vend.
"Procesi i vaksinimit vazhdon, në vend kanë ardhur 2.2 mln vaksina. Janë bërë 1.8 milionë vaksinime, nga të cilat 900 mijë vaksinime me doza të para. Kemi një rritje të përdorimit të vaksinës Pfizer, e cila po i afrohet përdorimit të Coronavac.
Ne apelojmë studentët dhe të gjithë të rinjtë që të vaksinohen pasi është e sigurt për ta, krijon imunitet, deri në një masë parandalon edhe transmetueshmërinë. COVID-i dëmton, vaksina nuk dëmton. Bashkia e Gjirokastrës është me mbulimin më të mirë të vaksinës", tha Bino.
Drejtoresha e ISHP-së, Albana Fico gjatë mbledhjes së Komitetit Teknik të Ekspertëve ka dhënë edhe shifrat në lidhje me ecurinë e pandemisë COVID në vend, ku bëri thirrje që studentët të vaksinohen. Fico tha se mbi 868 mijë qytetarë kanë marrë dy doza të vaksinës anti-COVID.
‘222 për 100 mijë banorë. Ka një rritje të rasteve aktive totale në këtë periudhë. Numri i bashkive të prekura është rritur. Raporti meshkuj femra mbetet sërish 48% dhe 52%. Mesatarja 2 javore e rasteve të rënda të shtruara në spitale, është 20. Raporti i numri të fataliteteve është 1.6%. Vijon procesi i vaksinimit, me rritjen e numrit të vaksinave të aplikuara. Totali i vaksinimeve në vend është mbi 1 milionë e 860 mijë. Me një dozë janw vaksinuar 991 mijë dhe me dy doza 868 mijë. Vaksinimi me të gjitha grupet e përcaktuara, u bëjmë thirrje studentëve që të vaksinohen. Të mos harrojmë e rëndësishme është mbajtja dhe respektimi i masave. Problematikë është fakti që qytetarët nuk i drejtohen burimeve të informacionit.’- tha Fico.
Lajme të tjera
-
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Fier/ Manastirliu takim me drejtuesit e shkollave: Pezullim deri në zbardhjen e ngjarjes të drejtuesve dhe oficerit të sigurisë të shkollës në Cakran
13 Dhjetor, 19:37 -
Interpelanca për vrasjen e 14-vjeçarit/ Zhupa kërkon dorëheqjen e Manastirliut: Sistem i dështuar! Ministrja: Ke hallin e karrgies, s’të ndihmojmë dot
12 Dhjetor, 11:08 -
Kuvend/ PS rrëzon me votë interpelancën me Ramën për 'Becchetin', e kërkoi PD! Spiropali: Eshtë shpifje! PDIU shpëton PS, votohen projektligjet
12 Dhjetor, 07:50 -
'Vrasja e Martinit u përdor politikisht', Rama në Fier: Institut për fëmijët në krime! Brenda dhjetorit kamera në klasa! Kontroll për çdo gjë metalike
30 Nëntor, 13:07 -
Fier/ Rama dhe Manastirliu me prindërit tek shkolla 'Janaq Kilica' për kufizimin e TikTok dhe Snapchat! Ministrja: Këto platforma sfidojnë mësuesit dhe ndikojnë tek shëndeti mendor
30 Nëntor, 12:05 -
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
Protestë për vrasjen e Martinit para Ministrisë së Arsimit, kërkohet dorëheqja e ministres! I pranishëm babai e gjyshi i 14-vjeçarit: Drejtësi deri në fund
25 Nëntor, 17:07 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
