Regjistrohen dy koalicionet e mëdha në KQZ, e majta 37 parti, e djathta 15 parti

/ATSH/ -Komisioni Qendror i Zgjedhjeve regjistroi sot zyrtarisht koalicionin e majtë dhe të djathtë, pjesëmarrës në zgjedhjet e 21 qershorit.
Të majtët janë paraqitur me koalicionin më të gjerë prej 37 partish dhe kanë ruajtur të njëjtin emërtim si në zgjedhjet e vitit 2013, "Aleanca për Shqipërinë Europiane". 
Ndërsa koalicioni i djathtë numëron 15 parti në përbërjen e tij dhe paraqitet me emërtimin "Aleanca Popullore për Punë dhe Dinjitet". 
Partia Kristian Demokrate e deputetit të arrestuar Mark Frroku nuk është përfshirë në koalicionin e majtë dhe është regjistruar e vetme në këto zgjedhje në KQZ.
KQZ miratoi edhe projekt-vendimin "Për regjistrimin si kandidat i propozuar nga zgjedhësit" të Gjergj Ndreka, si kandidat i propozuar nga zgjedhësit për Këshillin e Bashkisë Lezhë dhe Ilirjan Sadiku, si kandidat i propozuar nga zgjedhësit për Këshillin e Bashkisë Elbasan". 
Gjithashtu, KQZ miratoi projekt-vendimin "Për hedhjen e shortit, për caktimin e relatorit, të kërkesës ankimore nr.2, të paraqitur në KQZ, datë 25.04.2015". KQZ hodhi shortin për caktimin e relatorit, sipas të cilit relatore e kërkesës ankimore nr. 02, është Kryetarja e KQZ-së, Lefterije Luzi. 
KQZ miratoi edhe projekt-vendimin "Për caktimin e disa qendrave të votimit në ambjente private, në zgjedhjet për organet e qeverisjes vendore të datës 21.06.2015" si dhe projekt-vendimin "Për lirimin dhe emërimin e anëtarëve të KZAZ-ve, për zgjedhjet për organet e qeverisjes vendore të datës 21.06.2015".
Koalicioni "Aleanca për Shqipërinë Europiane", me parti pjestare: 
1. Partia Socialiste e Shqipërisë
2. Partia Lëvizja Socialiste Për Integrim
3. Partia Drejtësi, Integrim dhe Unitet
4. Partia Aleanca Arbnore Kombëtare
5. Partia Aleanca Demokratike
6. Partia Aleanca e Maqedonasve për Integrim Europian
7. Partia Aleanca për Barazi e Drejtësi Europiane
8. Partia Aleanca për Demokraci dhe Solidaritet
9. Partia Ardhmëria Shqiptare
10. Partia Demokracia e Re Europiane
11. Partia Demokratike e Bashkimit Mysliman të Shqipërisë
12. Partia e Çështjeve Shqiptare
13. Partia e Gjelbër
14. Partia e Punës e Shqipërisë
15. Partia e Reformave Demokratike Shqiptare
16. Partia e të Drejtave të Mohuara
17. Partia Forca Rinia
18. Partia e Unitetit Kombëtar
19. Partia G99
20. Partia Komuniste e Shqipërisë
21. Partia Komuniste e Shqipërisë 8 Nëntori
22. Partia Lëvizja Demokratike për Ndryshim
23. Partia Lëvizja për Drejtësi e Shqiptarëve
24. Partia Ligj dhe Drejtësi
25. Partia për Europianizimin dhe Integrimin e Shqipërisë
26. Partia për Mbrojtjen e të Drejtave të Emigrantëve
27. Partia Personat me Aftësi të Kufizuar
28. Partia Rruga e Lirisë
29. Partia Shqiptare Atdheu
30. Partia Socialiste e Moderuar
31. Partia Socialiste e Vërtetë 91
32. Partia Socialpunetore Shqiptare
33. Partia Fryma e Re Demokratike
34. Partia Demokracia Sociale
35. Partia Demokristiane e Shqipërisë
36. Partia Aleanca Demokristiane
37. Partia Pajtimi Kombëtar
Koalicionin "Aleanca Popullore Për Punë dhe Dinjitet", me parti pjestare:
1. Partia Demokratike
2. Partia Republikane
3. Partia Agrare Ambjentaliste e Shqipërisë
4. Partia Lëvizja e Legalitetit
5. Partia Balli Kombëtar
6. Partia Lëvizja Për Zhvillim Kombëtar
7. Partia Bashkimi Liberal Demokrat
8. Partia Balli Kombëtar Demokrat
9. Partia Ora e Shqipërisë
10. Partia Bashkimi Demokrat
11. Partia Mendimi Djathtë Liberal
12. Partia e të Drejtave të Mohuara- e Re
13. Partia Konservatore Shqiptare
14. Partia Popullore Kristian Demokrate
15. Partia Lidhja Demokristiane Shqiptare
 

TAG:
• kqz