POP 5

Lajmet më të lexuara të 5 minutave të fundit

Kronikë

Rehabilitohet qendra e fshatit piktoresk të Dukatit

Qendra e fshatit të Dukatit është në fazën përfundimtare të rehabilitimit. Në sajë të projektit 100 fshatrat, bashkia e Vlorës ka investuar për rikualifikimin total urban të kësaj zone. Kryebashkiaku i Vlorës Dritan Leli tha se ky projekt do ti japw një zhvillim zonës duke u bërë një atraksion  për turistët.

Ndizet drita jeshile për fshatin piktoresk të Dukatit në Vlorë. Qendra e fshatit është në fazën përfundimtare të rehabilitimit, duke i kthyer dinjitetin kësaj zone me kaq histori dhe me natyrë mbresëlënëse.

Në sajë të projektit 100 fshatrat, në bashkëpunim me ambasadën zvicerane dhe atë Autriake, bashkia e Vlorës ka investuar për rikualifikimin total urban të kësaj zone.

Kryetari i bashkisë së Vlorës, Dritan Leli, inspektoi  punimet  nga ku  u shpreh se në këtë projekt  janë përfshirë  edhe shumë objekte të cilat do të jenë atraksion për turistët si kullat e Dervish Haliut dhe “Shkolla e kuqe”,  e cila njihet si një shkollë me histori të vjetër, por që prej vitesh kishte ngelë një gangrenë në qendrën e fshatit.

Banorët e Dukatit shprehen se ky projekt do të rrisë ekonominë e vendit dhe do të pakësoje emigrimin e të rinjve.

Ky projekt synon rritjen e turistëve dhe nëpërmjet tyre përfitimet evidente në bizneset e fshatit, restorante apo kafene, si edhe në zhvillimin e aktiviteteve lokale si artizanati apo produktet tipike të zonës. Fshati Dukat është një nga qendrat e banuara me te vjetra ne rajon.

Dëshmitë e para historike mbi këtë zonë datojnë që në fillimet e mijëvjeçarit të parë pas Krishtit. Me nje histori të gjatë dhe tradita të pastra, fshati Dukat është një dëshmi e pastër e identitetit të jugut te Shqipërisë.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46