POP 5

Lajmet më të lexuara të 5 minutave të fundit

Kronikë

Rehabilitohet rruga 'Ali Demi', Veliaj:
Shumë shpejt 20 shkolla në Tiranë

Një tjetër projekt i Bashkisë së Tiranës ka përfunduar sot. Është fjala për rrugën “Ali Demi”, e cila falë investimit të bashkisë, por edhe kontributit të banorëve përmes pagesës së taksës së parkimit, tashmë është asfaltuar dhe me trotuare të reja, sinjalistikë, ndriçim rrugor, si dhe një rrjet të ri kanalizimesh. VIDEO  FOTO
Rehabilitohet rruga 'Ali Demi', Veliaj:<br />Shumë shpejt 20 shkolla në Tiranë
Një tjetër projekt i Bashkisë së Tiranës ka përfunduar sot. Është fjala për rrugën “Ali Demi”, e cila falë investimit të bashkisë, por edhe kontributit të banorëve përmes pagesës së taksës së parkimit, tashmë është asfaltuar dhe me trotuare të reja, sinjalistikë, ndriçim rrugor, si dhe një rrjet të ri kanalizimesh.
 
Kryetari i Bashkisë së Tiranës, Erion Veliaj, i shoqëruar edhe nga deputeti i PD, Ditmir Bushati, teksa inspektoi mbylljen e punimeve, theksoi se ky është një nga projektet kryesore që synon përmirësimin e infrastrukturës në njësinë nr.1, pasi së shpejti nisin punimet edhe për disa projekte të tjera në këtë zonë.
 
“Kemi përfunduar me rrugën “Ali Demi”, e cila fillimisht nisi me sistemimin e trotuareve, por falë pagesave që u mblodhën nga qytetarët që kanë paguar parkingun në Tiranë, rritëm investimin dhe mundësuam shtrimin e rrugës, duke bërë edhe disa ndërhyrje të vogla në infrastrukturë.
 
Së pari, falenderoj qytetarët sepse falë pagesave të tyre kemi bërë më shumë investime se ç’kishim planifikuar këtë vit dhe mezi pres që të hapim edhe rrugën “Ali Shefqeti”, tha Veliaj. Ai gjithashtu bëri të ditur se shumë shpejt do të nisë puna edhe për zgjerimin e urës së Shkozës.
 
“Kam një lajm të mirë edhe për urën e Shkozës, e cila do të jetë investimi i radhës i bashkisë në këtë zonë”, tha Veliaj.
 
Ai pohoi se Bashkia e Tiranës është duke punuar në disa ura mbi lumin e Lanës, duke u kujdesur që puna të vijojë, në mënyrë që jo vetëm qendra e Tiranës të ketë hijeshi dhe estetikë në infrastrukturë, por edhe zonat e quajtura periferike.
 
 “Sot njësia nr. 1 ka më shumë banorë se qyteti i dytë apo i tretë i Shqipërisë dhe në këtë sens meriton të trajtohet si një qytet më vete. Ambicia jonë është që Shkoza, e gjithë zona e “Ali Demit”, të jetë pjesë e Tiranës policentrike.
 
Do të thotë që të ketë mjaftueshëm infrastrukturë për të funksionuar si të ishte një qytet më vete, me shkolla e institucione të tjera arsimore, por sigurisht edhe me infrastrukturën e nevojshme që e bën këtë një pjesë të Tiranës policentrike”, theksoi kryebashkiaku.
 
Veliaj bëri të ditur se projekti për ndërtimin e 20 shkollave të reja do t’i vijë në ndihmë edhe njësisë nr. 1, për të siguruar institucionet e duhura arsimore edhe për banorët e kësaj zone.
 
“Shumë shpejt do të fillojmë projektin e 20 shkollave të reja në të gjithë Tiranën. Ambicia jonë është që një pjesë e këtyre shkollave të jenë në njësinë nr. 1, të zgjidhim përfundimisht brenda këtij mandati, çështjen e mësimit me dy turne”, deklaroi ai.
 
Një tjetër projekt me rëndësi ku do të përfshihet njësia nr. 1 është edhe pastrimi. “Shumë shpejt, edhe njësia nr. 1, do të përfshihet në projektin e pastrimit dhe do t’u kërkojmë qytetarëve që tani që keni infrastrukturën e mirë të rrugëve, duhet ta çojmë një nivel më lart pritshmërinë tonë qytetare edhe sa i takon pastrimit. Qytetarët do të kenë 2 kosha, koshin blu dhe koshin e gjelbër.
 
Në koshin e gjelbër do të hedhim të gjitha mbetjet e riciklueshme, si letër, plastikë, qelq dhe metal. Te koshi blu, të gjitha mbetjet që nuk riciklohen. Vetëm atëherë mund të kemi infrastrukturë edhe në tokë, por mund të kemi edhe kulturë në shtëpitë tona dhe komunitet”, - deklaroi Veliaj.

[gallery]19112[/gallery] 
Puna e bërë nga bashkia u vlerësua edhe nga deputeti i PS, Ditmir Bushati, i cili theksoi se rruga e përfunduar është arteria kryesore, jo thjesht e njësisë administrative nr. 1, por edhe rruga kryesore që u mundëson qytetarëve të Tiranës që të shkojnë në Dajt, apo në ish-komunat e tjera rreth e përqark, qoftë edhe për qëllime rekreative.
 
“Është segmenti dhe arteria kryesore edhe për sa i përket banorëve të kësaj njësie, pasi kjo është rruga në të cilën kalojnë pothuajse çdo ditë qytetarët e Ali Demit, banorët e Shkozës, dhe gjithashtu janë disa shkolla dhe qendra komunitare rreth e përqark rrugës”, tha Bushati. Ai shtoi se ky projekt do të pasohet nga të tjera investime.
 
“Jam shumë i gëzuar që ky investim serioz i Bashkisë së Tiranës do të pasohet me investime të tjera sepse në një perimetër shumë afër kësaj rruge janë edhe blloqet e tjera komunitare, të cilat janë duke u rehabilituar totalisht nga bashkia, në funksion të përmirësimit të infrastrukturës së zonës.
 
Jemi në përputhje me të gjitha angazhimet që kryetari Veliaj ka ndërmarrë pak metra nga këtu, me banorët e kësaj zone, për sa i përket përmirësimit të infrastrukturës dhe do të jemi së bashku për të punuar dhe për t'i dhënë mbështetje frontale të gjitha projekteve që synojnë përmirësimin infrastrukturës këtu”, deklaroi Bushati.
 
Rehabilitimi i rrugës “Ali Demi” në një gjatësi prej rreth 2 km, por edhe i rrugëve “Emin Harizi” dhe “Shemsi Haka” që janë përreth fushës “Ali Demi”, iu vjen në ndihmë rreth 55 mijë banorëve që jetojnë në këtë zonë.
 
 

dy.b/shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tiranë/ Organizonin baste dhe lojëra fati, vihen në pranga 6 persona

Tiranë/ Organizonin baste dhe lojëra fati, vihen në pranga 6 persona

24 Nëntor, 09:55