TIRANE-Trajneri i Kombëtares shqiptare të futbollit, Edi Reja ka publikuar listën e lojtarëve që ka ftuar për dy ndeshjet e radhës për Ligën e Kombeve, 4 shtator përballë Bjellorusisë dhe 3 ditë më pas me Lituaninë. Risitë në listën e kuqezinjve janë dy, Ramën Çepele, pjesë e ekipit të të rinjve të Interit dhe Armando Broja që luan në Holandë te Vitesse. 
Lista e ekipit Kombëtarë
Në kushtet kur me programin janë mbrapa për shkak të pandemisë, trajneri Edi Reja për dy ndeshjet e radhës që do të zhvillojë Shqipëria ka marrë me vete nga Italia edhe një ndihmës, që më parë ka qenë pjesë e federatës italiane dhe Torinos.
"Do të bashkëpunojë me mua deri në nëntor. Ka ardhur për të më ndihmuar mua. Pandemia na ka bllokuar të gjithëve. Jemi disi mbrapa me programin, Camolese do të vijë të më ndihmojë mua, në të ardhmen të shikojmë si do të shkojnë gjërat" tha Reja.
Reja vlerësoi edhe ekipet shqiptare për kalimin e turit të parë në Europë. "Është një moment shumë i mirë për ekipet shqiptare, kanë bërë një paraqitje shumë të mirë në fushë, duhet të jeni të gjithë krenarë. Futbolli shqiptar po rritet, kam folur me presidentin Duka, i cili ka dëshirë të nxisë futbollin e moshave, duhet ta shikojmë të gjithë këtë moment".
Objektivi i kombëtares shqiptare është të fitojë grupin e Ligës së Kombeve. "Grupi është i vështirë, por unë shikoj ekipin tim, uroj ti gjejë lojtarët në formë, por ndeshja e parë do të jetë vendimtare, duhet të kemi kujdes. Shoh që ekipi ka besim, uroj që në momentin e stërvitjes të gjej harmoni dhe aspekt psikologjik shumë të mirë. Luhet pa tifozë, edhe këto ndeshje duken si miqësore, nuk e di si do të reagojnë lojtarët. Objektivi është të fitojmë grupin, duhet të jemi të bindur kur të zbresim në fushë. Kemi një ekip të mirë, por duhet të punojmë shumë në aspektin psikologjik. Kam folur me Hysjan këto ditë, Gjimshitin, që ka qenë i rraskapitur sepse ka luajtur në Champions".
Risia në listën e kuqezinjve është Ramën Çepele, pjesë e ekipit të të rinjve të Interit. Trajneri i kombëtares Edi Reja tregoi si e bindi që të vishte fanellën kuqezi duke braktisur të kaltrën italiane. "Përsa i përket listës, Kumbullën e njihni të gjithë, unë i besoj që tani atij, është i rëndësishëm, përsa i përket Çepeles, unë kisha folur më parë me prindërit, ka qenë e vështirë se ka luajtur me Italinë, unë e shoh si lojtar që përbën një perspektivë shumë të mirë për Shqipërinë. Ka lindur në Itali. Duke qenë se janë rritur në vende të tjera, presin më parë një ftesë nga vendet përkatëse. Ka disa emra të tjerë interesantë, po presim".
Trajneri i kombëtares Edi Reja u shpreh se momenti që po jetojmë për shkak të COVID-it është i vështirë duke ngritur pikëpyetje mbi gjendjen e lojtarëve. "Po jetojmë një moment të vështirë, kam folur vazhdimisht me lojtarët, disa kanë nisur kampionatet, shpresoj që të bëjnë një formë të mirë. Ne po i ndjekim të gjithë lojtarët, do ishte mirë ti kishim të gjithë në grumbullim. Në ndeshjet e fundit kemi treguar se përfaqësuesja po rritet, ka shumë pikëpyetje si do t'i gjejmë lojtarët pas një shkëputje shumë të madhe. Bjellorusia është një nga skuadrat më të forta, më shqetëson gjendja e lojtarëve se nuk i kam parë. Po përpiqemi që të marrim edhe shumë lojtarë të rinj për të arritur objektivin, kualifikimin" tha ai.
Për dy ndeshjet e radhës, tekniku italian i kombëtares ka ftuar 28 lojtarë, ndërsa shpjegoi edhe arsyen se përse e ka bërë një gjë të tillë. "Lista është shumë e madhe, nuk e di si do të vijnë lojtarët, do i nënshtrohen testeve dhe nëse do të ketë ndonjë pozitiv apo do të ketë probleme fizike, atëherë lista do të pësojë ndryshime deri kur të nisemi për në Bjellorusi. Është një situatë e paprecedent, e paprovuar më parë, nuk patëm mundësi të bënim asnjë miqësore. Ne do të vijojmë të paktën me ato pika të sigurta që kemi pasur para se të ndërpritej futbolli. Sigurisht do të jetë e vështirë, shpresoj që të bëj zgjedhjet e duhura" tha ai.
Lajme të tjera
-
VIDEO/ Armando Broja kthehet në aksion, shënon golat e parë me Everton
13 Nëntor, 08:41 -
Kombëtarja pa Manajn e Brojën në nëntor, Sylvinho i detyruar 'ti shtrijë dorën' golave të Muçit e Uzunit! Daku e Çuni pa fat në Rusi
7 Nëntor, 13:53
-
FOTO/ Te Everton fillojnë të qeshin, Armando Broja bashkohet në stërvitje
6 Nëntor, 13:56 -
Nis numërimi mbrapsht, te Everton zbulojnë kohën e rikthimit të Armando Brojës
2 Nëntor, 10:37 -
Armando Broja mbyll vitin me Kombëtaren, mjeku: Do edhe disa javë për rikthim
17 Tetor, 11:27 -
E konfirmon prestigjozja britanike, Armando Broja nuk luan këtë vit për Kombëtaren
10 Tetor, 09:12 -
Armando Broja me pronarë të rinj, drejtuesit e Romës blejnë Evertonin! Borxhi 600 mln euro
24 Shtator, 12:36 -
Armando Broja në fushë? Flet trajneri i Everton: Jemi të vetëdijshëm se do i duhet kohë
13 Shtator, 14:52 -
Kërkoi të ndërtonte shtëpinë e ëndrrave, Armando Brojës i refuzohet leja nga autoritetet në Londër! Investimi 5 milionë euro
10 Shtator, 17:53 -
Zyrtare/ Armando Broja prezantohet te Evertoni me 'shqiponjë': Më pëlqen të shënoj gola
5 Shtator, 15:29 -
Pas një viti bashkëjetesë, Armando Broja i jep fund lidhjes me influenceren angleze?
31 Gusht, 16:32 -
Everton e mori në huazim, Armando Broja s'luan deri në tetor! Chelsea paguan rrogën e sulmuesit
31 Gusht, 16:24
