Hungaria arriti një tjetër rekord emigrantësh ku vetëm gjatë ditës së diel kanë hyrë 5.809 persona. Refugjatët kanë hynë nga kufiri me Serbinë ndërsa një ditë më parë në Hungari kanë hyrë 4330 persona.

Policia hungareze së bashku me ushtrinë ka nisur patrullimin me qen dhe mjete të blinduara. Qeveria hungareze ka paralajmëruar se ka marrë masa ekstreme pasi ka vendosur që të gjithë ata që do të kalojnë kufirin në mënyrë të parregullt do të arrestohen.

Edhe në Austri, numri i emigrantëve po shtohet pasi shumë emigrantë për shkak të mos funksionimit të linjës hekurudhore Hungari-Gjermani po drejtohen drejt një tjetër destinacioni.

Redaksia Online
(o.m/shqiptarja.com)