Rekord në Indi/ Regjistrohen më shumë se 96 mijë raste të reja! OKB: Duhen 15 miliardë dollarë për të luftuar Covid-19

Në Indi, gjatë 24 orëve të fundit janëe regjistruar 96,551 raste të reja të koronavirusit, duke e çuar numrin e përgjithshëm të njerëzve të infektuar në 4,562,414.

Ky është numri më i lartë i infeksioneve të regjistruara në 24 orë në një shtet të vetëm që nga fillimi i pandemisë.

Ministria e Shëndetësisë e Nju Delhit ka raportuar edhe për 1209 vdekje që e rrisin totalin e viktimave në 76,271 kurse numri i përgjithshëm i të prekurve që prej fillimit të emergjencës shëndetësore është mbi 6.39 milionë.

OKB: "Nevojiten 15 miliardë dollarë për të luftuar Covid-19"

Duhet një "hap i madh" në financim - 15 miliardë dollarë brenda tre muajve - për të rritur shanset për të gjetur një kurë për koronavirusin  dhe për ta bërë botën të "përparojë përsëri", tha sekretari i përgjithshëm i KB Antonio. Guterres

"Pa një infuzion prej 15 miliardë dollarësh brenda tre muajve dhe duke filluar menjëherë, ne do të humbisnim mundësinë" për të përshpejtuar luftën kundër pandemisë dhe për t'u dhënë të gjitha vendeve mjetet për ta luftuar atë, paralajmëroi Guterres.

Lajmi kryesor:

Në Itali regjistrohen 1616 raste të reja dhe 10 viktima! Izraeli drejt mbylljes totale për dy javë…80 viktima Covid në Francë

TAG:
• Rusi
• ukraine
• Koronavirus
• pandemi
• covid