POP 5

Lajmet më të lexuara të 5 minutave të fundit

Sociale

Drejt Punës

Mesim dhe Punësim/Rektori i mjekësisë: Risi në ciklet klinike, studentët do të punojnë me mjekët e QSUT

Rektori Universitetit të mjekësisë Arben Gjata tha për Report Tv se në gjatë këtij viti akademik për herë të parë studentët e ciklit klinik do të jenë të ndarë në grupe me numër më të ulët, ç'ka do tu mundësojë të praktikohen më mirë me mjekët e QSUT.

TIRANË- Rektori i Universitetit të Mjekësisë, Arben Gjata, u shpreh për Report Tv se risi për këtë vit do të kenë ciklet klinike.

“Risi do të jetë për ciklet klinike sepse sivjet për herë të parë do të fillojmë të zbatojmë sistemin e mbikëqyrësit klinik. Pra nuk do të jenë më 15 studentë që ndjekin një pedagog por do të jetë një pedagog përgjegjës dhe ndërkohë studentët do ti ndajmë me numra të ulët duke i vënë që gjatë punës praktike të punojnë me mjekët e QSUT, në mënyrë që të rrisim përfitimin e shprehive praktike përveç atyre teorike. Shpresoj të kemi disa risi me ngritjen e disa kabineteve të reja që do ti ndihmojnë shumë studentët, sidomos studentët e vitit të parë në formimin e tyre”- u shpreh rektori

Degët e universitetit të Mjekësisë vazhdojnë të jenë më të kërkuarat nga të rinjtë shqiptarë. Gjata tha se kërkesat kanë qenë të shtuara dhe për këtë vit.

“Universiteti i Mjekësisë është faktikisht një ndër universitetet më të kërkuara, ne i kemi mbyllur kuotat në tre degët kryesore, mjekësia është mbyllur që në fazën e parë, gjithashtu stomatologjia, farmacia. Ka kërkesa dhe janë disa kuota të lira akoma në shëndet publik, në bachelor përgjithësisht janë plotësuar të gjitha kuotat te infermieria”-tha Gjata

Ditën e hënë në universitetin e Mjekësisë do të zhvillohet edhe ceremonia e shpërndarjes së bluzave të bardha, ku studentët e vitit të parë bëjnë betimin e Hipokratit. Viti i ri akademik nis me 14 tetor, ku përveç studentëve që i rikthehen sërish studimeve, janë dhe ata që nisin për herë të parë universitetin.

B.K./a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Legjendat elektoralo-amerikane të Sali Berishës

Ylli Pata: Legjendat elektoralo-amerikane të Sali Berishës

25 Dhjetor, 20:00 nga Ylli Pata