Renditja e FIFA, Shqipëria humbet
3 pozicione, por 1 hap larg Serbisë

Renditja e FIFA, Shqipëria humbet<br />3 pozicione, por 1 hap larg Serbisë
Publikohet renditja e përgjithshme botërore e FIFA-s për muajin tetor, pas ndeshjeve të zhvilluara për eleminatoret e Europian “France 2016”. Në këtë renditje ekipi ynë kombëtar ka humbur 3 pozicione, duke u renditur në vendin e 48 me 604 pikë.

Siç duket barazimi me Danimarkën në Elbasan Arena ka ndikuar në humbjen e 3 pozicioneve nga kombëtarja shqiptare.

Muajin e kaluar, fitorja historike me Portugalinë në Aveiro e katapultoi përfaqësuesen e Shqipërisë në renditjen e FIFA-s duke e  pozicionuar në vendin e 45 ku fitoi plot 25 pozicione.

Në vendin e parë vijon të qëndrojë kampionja e botës në fuqi Gjermania e ndjekur nga nënkampionët e Argjentinës dhe në vendin e tretë renditet Kolumbia.

fifa shqiperia

Si për ironi të fatit, në vendin e 47, një pozicion mbi Shqipërinë renditet Serbia e cila për këtë muaj ka humbur 12 pozicione, ku përballja 42 minutëshe mes këtyre kombëtareve më 14 tetor, dhe dhuna e tifozëve serbë që e pasoi, bëri që vëmendja e gjithë botës të drejtohet nga derbi i Ballkanit. Në këtë kontekst, sot pritet vendimi i UEFA-s për gjithçka ndodhi në Beograd. Në rast të një tre pikëshi në tavolinë për ekipin tonë, atëherë Shqipëria mund të parakalon në renditjen e përgjithshme të FIFA-s kombëtaren serbe. 

Redaksia Online
(e.c/shqiptarja.com)

  • Sondazhi i ditës:

    Krijohet dhe 'Djathtas', a do i mbështesni partitë e reja në 2025?



×

Lajmi i fundit

Zyrtari i lartë i Partisë Komuniste të Kinës e viziton Serbinë

Zyrtari i lartë i Partisë Komuniste të Kinës e viziton Serbinë