Ndienja e fortë e hakmarrjes te Barcelona nuk ka mjaftuar përballë një Bayern-i monstruoz. Gjermanët ia dolën të mposhtin sërish katalanasit edhe në sezonin e ri, por këtë herë me rezultatin e pastër 2-0, në ndeshjen e vlefshme për raundin e dytë në grupe. Edhe pse Barcelona pati një sërë rastesh në pjesën e parë, në të dytën Bayern zhbllokoi fillimisht Lucas Hernandez, ndërsa më pas Sane vrau shpresat e miqve. Pa fat edhe Lewandowski që e kishte të vështirë përballjen me ish-skuadrën, ndërsa bilanci mes dy skuadrave thellohet akoma më shumë në favor të Bayern-it.
Në ndeshjen tjetër të grupit Inter bëri detyrën në transfertën çeke të Plzen. Zikaltërit fituan 0-2 pasi realizuan Dzeko dhe Dumfries, ndërsa në minutat e fundit debutoi në Champions League edhe shqiptari Kristjan Asllani.
Ndërkohë në grupin A Liverpool mori 3 pikët e para me ‘zemër në dorë’, pasi mposhti 2-1 Ajax falë golit të Matip në minutën e 89. Sfida tjetër e këtij grupi mes Rengers dhe Napolit luhet mbrëmjen e sotme.
Në grupin B Bayern Leverkusen bëri suprizën e mbrëmjes duke fituar 2-0 kundër Atletico Madrid, ndërsa Club Brugge shokoi Porto-n në Portugali, pasi e shkatërroi 0-4. Sakaq në dy takimet e tjera të së martës Sporting likuidoi 2-0 Tottenham-in e Antonio Conte-s për llogari të grupit D dhe Marseille u mposht 0-1 nga Frankfurt në Francë.
Fitore me zemër në dorë! Liverpool-i iu fal një goli në minutat e fundit, për të arritur triumfin dramatik ndaj Ajaksit me rezultatin 2-1. Pjesa e parë përfundoi në barazim 1-1, teksa Salah hapi serinë e golave në minutën e 17-të, ndërkohë që Kudus, barazoi shifrat për miqtë holandezë në të 27-tën.
Për të bërë heroin mbrëmjen e sotme mendoi mbrojtësi Matip, që në minutën e 89-të, shënoi golin e fitores, duke shpëtuar kështu trajnerin Klop, që ishte në pozita të vështira për shkak të rezultateve aspak pozitive të regjistruara në javët e fundit. Kjo ishte fitorja e parë në Champions për këtë sezon për Liverpulin, që bën pjesën në Grupin A së bashku me Napolin dhe Rejnxhërs.
Talenti shqiptar Kristjan Asllani bën debutimin me Interin në Champions League. Shqiptari u aktivizua nga trajneri Inzagi në minutën e 84-t, në ndeshjen kundër Plzen.
Asllani zuri vendin e Brozoviç në fushën e lojës.
Ky debutim tij do të mbahet mend gjatë në memorien e lojtarit, edhe për faktin se Inter fitoi 0-2 Viktoria Plzen falë golave të Dzekos dhe Dumfries.
Lajme të tjera
-
Shtyhet inaugurimi, Barcelona rikthehet me vonesë në 'Camp Nou-n' e ri
21 Nëntor, 16:07 -
Ofendoi Liverpoolin dhe Jurgen Klopp, pezullohet arbitri i Premier League
12 Nëntor, 15:42 -
VIDEO/ Barcelona pëson humbjen e dytë, baskët e Real Sociedad e mposhtin me një gol
10 Nëntor, 23:00 -
GOLAT/ Liverpool fiton 2-0 në shtëpi dhe shkëputet +5 nga 'Qytetarët', Brighton i shkakton Cityt humbjen e katërt radhazi
9 Nëntor, 21:10 -
VIDEO/ Tifozët izraelitë të Maccabit sulmohen në Amsterdam, 5 të plagosur dhe 3 të zhdukur! Netanyahu dërgon ekipin e shpëtimit me 2 avionë! Policia: 62 të arrestuar
8 Nëntor, 09:20 -
Europa League/ Roma dhe Tottenham harrojnë fitoren, Ajax shënon pesë gola! Man. United fiton pa ten Hag, kryeson Lazio
8 Nëntor, 08:32 -
Simone krenar për Interin, Inzaghi: Kam 23 titullarë, katër ndeshje pa pësuar
7 Nëntor, 15:33 -
Mikel Arteta i zhgënjyer pas humbjes me Interin: S'e kuptova penalltinë e tyre, as 11 metërshin që nuk u dha për ne
7 Nëntor, 12:44 -
VIDEO/ Adoleshenti i Barcelonës 'shpërfytyrohet' në Beograd, i qeshur edhe pas dhjetë qepjeve në fytyrë
7 Nëntor, 11:38 -
VIDEO/ Penalltia më qesharake në histori, si Aston Villa u mposht në Champions League
7 Nëntor, 10:23 -
Dramë në 'Allianz', tifozi i Bayern Munich ndërron jetë gjatë ndeshjes së Champions League
7 Nëntor, 10:01 -
Berat Gjimshiti mes yjeve të Evropës, 'shkëlqen' në formacionin e Champions League
7 Nëntor, 09:42
