Forcat RENEA kanë zhvilluar një aksion blic gjatë natës së kaluar në Nikël të Fushë-Krujës, në kërkim të provave për zbardhjen e ngjarjeve të rënda kriminale të pazbardhura deri më tani.
Gazetari i Report Tv, Sokol Dema raporton se ka qenë SPAK që ka urdhëruar forcat e policisë për këto kontrolle.
Banesat e kontrolluara janë të emrave të njohur për autoritet. Forcat RENEA kanë kontrolluar banesat e Durim Bamit, Valter Bamit, Bedri Hakës, Marklen Hakës, Gentjan Koçit, Ylli Çangut dhe Ervin Kodrës. Burimet për Report Tv bëjnë me dije se nga të gjithë të sipërpërmendurit vetëm Valter Bami është gjetur në shtëpi
Policia ka njoftuar se gjatë kontrollit të banesave janë gjetur dhe sekuestruar prova materiale që do t’i shërbejnë hetimeve.
Mbrëmjen e kaluar RENEA ka kryer kontrolle në 7 banesave, në të cilat ka gjetur prova për hetime të pasbardhura ende. Të gjitha banesat e kontrolluara kanë qenë të personave që konsiderohet nga policia si individë me precedent penal
Ndër to Flamur Haka, Durim Bami dhe Ylli Cangu, që janë emra të njohur për drejtësinë. Kreu i ‘të fortëve’ të Niklës Flamur Haka në shkurt të 2008 është shpallur fajtor nga gjykata e Krimeve të Rënda me 16 vite burgim.
Por këtë dënim Haka e ka shlyer, ku herë pas herë ka fituar ulje dënimi dhe më pas në nëntor 2014 gjyqtarja e Krujës Nazmie Pingili, ka urdhëruar lirimin e tij me kusht. Flamur Haka është dënuar për vrasje me paramendim për hakmarrje e mbetur në tentative dhe për armëmbajtje pa leje. Haka tentoi të vrasë Bledar Ulliri, por pavarisht se u dënua me 16 vite burg, gjyqtarja Nazmier Pingili e liroi pas 6 vitesh duke I ulur me 10 vite dënimin.
Ndërkohë Durim Bami nga Kruja është një tjetër emër i njohur nga drejtësia, por sidomos nga publiku dhe politika shqiptare. Ai ka qenë dënuar më parë për vjedhje me armë. Bami është i njohur për atentatin e pretenduar nga Tom Doshi. Për këtë atentat të pretenduar në dyert e Prokurorisë përfunduan të gjithë zyrtarët e lartë të shtetit. Tom Doshi, Mark Frroku dhe Durim Bami u akuzuan për kallëzim të rremë për çështjen e atentatit të pretenduar ndaj Tom Doshit dhe deputetit të PD, Mhill Fufi. Doshi akuzoi në 2015-ën ish-kryetarin e Kuvendit, Ilir Meta, se kishte porositur një atentat për ta ekzekutuar përmes Durim Bamit, kundrejt pagesës 500 mijë euro.
Valter Bami është vëllai i Durim Bamit, një nga personazhet që ka trazuar politikën shqiptare në 2 vitet e fundit, për atentatin e supozuar ndaj deputetit Tom Doshi.Ylli Çangu, Valter Bami, Skënder Leza, Markelen Haka dhe Lutfi Haka, u ndaluan nga policia në aksionin e disa ditëve më parë në Nikël.
Ylli Çangu, kunati i Durim Bamit gjithashtu është një emër i njohur. Ai është dënuar më parë. Çangu në të kaluarën ka qenë i hetuar për disa ngjarje kriminale. Ai dyshohet të jetë autor në disa raste të vënies së tritolit, në gjobëvënie por edhe rrëmbime personash.
Policia ka shpërndarë pamje nga aksioni i zhvilluar mbrëmë nga RENEAS në Nikël të Fushë-Krujës.
Në video duken forcat e policisë që kontrollojnë shtëpitë e të 'fortëve' të dyshuar për grup të strukturuar kriminal.
Në aksionin e RENEAS në Nikël të Fushë-Krujës janë gjetur prova të vlefshme për hetimet ndaj një grupi të strukturuar kriminal.
Ky është detaji që kanë dhënë uniformat blu në njoftimin për operacionin blic e natës së kaluar.
"Kontrolle në funksion të procedimit penal të ndjekur nga SPAK-u ndaj një grupi të strukturuar kriminal. Kontrollet për sigurimin e provave që do t’i shërbejnë hetimit, të zhvilluara në zbatim të vendimit të Gjykatës së Posaçme të Shkallës së Parë Kundër Korrupsionit dhe Krimit të Organizuar.
Në operacionin e kontrollit të banesave në Nikël, Krujë, janë përfshirë Drejtoria Hetimore Qendrore në Drejtorinë e Përgjithshme të Policisë së Shtetit, Forcat Speciale Renea, Drejtoria e Forcës së Posaçme Operacionale, Drejtoria Vendore e Policisë Durrës e Drejtoria Vendore e Policisë Tiranë.
Gjatë operacionit të kontrollit, ku përdorën edhe dronë, janë zhvilluar kontrolle në 7 banesa, konkretisht: Në banesat e shtetasve: Durim Bami, Valter Bami, Bedri Haka, Marklen Haka, Gentjan Koçi, Ylli Çangu dhe Ervin Kodra.
Gjatë kontrollit të banesave janë gjetur dhe sekuestruar prova materiale që do t’i shërbejnë hetimit në interes të procedimit penal", thuhet në njoftimin e policisë.
Komente
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
Grabitja e 4.6 mln eurove në Rinas, GJKKO dënon me 18 vite burg Talo Çelën
21 Nëntor, 12:42
Gjithe ai operacion dhe nuk gjejne nje pistolete??! Ju a kane dekonspiruar....
Përgjigju