POP 5

Lajmet më të lexuara të 5 minutave të fundit

Politikë

Replika,Kryemadhi-Ramës: Po e
nis si motra, motra e madhe je ti

Kryetarja e LSI, Kryemadhi ka replikuar në seancën e sotme parlamentare me kryeministrin Rama të cilin e ka akuzuar për lidhje me krimin.  VIDEO
Replika,Kryemadhi-Ramës: Po e<br />nis si motra, motra e madhe je ti<br>
Kryetarja e LSI, Kryemadhi ka replikuar në seancën e sotme parlamentare me kryeministrin Rama të cilin e ka akuzuar për lidhje me krimin.

Kryemadhi: “Po e nis si motra, meqë motra e madhe ja ku është dhe ka 13 motra të tjera, dhe këtë e them si në raportin politik dhe në raportin personal. Krimi e ka kapur dhe nuk e lëshon në asnjë sekondë. Ky njeri është peng, dhe do të mbajë peng të gjithë shqiptarët. Pse ka frikë ky zotëria nga fotot? Po të jetë burrë thotë: po unë jam aty, nuk e dija që ishte në kërkim, kam dalë në fotografi, kërkoj falje. Po e ka ditur shumë mirë. Më erdhi keq, kur e pashë duke qarë që nxorri lotët, po ky është një aktor i madh".

Kryemadhi-Ramës: "Ky do t’ju marri lotët edhe nënave që bandat ju kanë vrarë fëmijët. Kërkon ta kthejë Shqipërinë në një teatër eksperimental. Dje pamë se si oligarkët bënin protestë për TVSH-në, mos u çudisni shumë shpejt do të kemi bandat që do bëjnë protestë në shesh dhe do thonë poshtë shqiptarët, të largojmë shqiptarët. Mos u çudisni, shumë shpejt. Thotë pse ne paskemi hallin e krimit dhe flasim vetëm për krimin.

Ta fillojmë me shëndetësinë? Fillojmë me koncensionet? Kemi dhe Milvën këtu, e di shumë mirë ajo si e ka bërë dhe çfarë ka bërë. Do të shikojmë dhe këto të koncensioneve të shëndetësisë dhe do dalin në protestë dhe ato dhe do thonë: protestë që të vijnë shqiptarët të bëjnë check-upin! Këtë kemi ne, Shqipëri eksperimentale. Do të flasim për ekonominë? Të flasim për TVSH-në? Të flasim për taksat? Të flasim për rritjen e çmimeve? Apo të flasim edhe për sigurimin e detyruar të pronës, sepse vëllai i tij ndan apo jeton në shtëpinë e njërit që ka pronë kompani sigurimesh.

Pra vazhdojmë dhe jemi në funksion të oligarkëve. Doni të flasim për arsimin, ku ta kapim ku ta lëmë. Një tmerr, të flasim për policinë, për ça të flasim. Kemi hallin e tullumbave, ne fakt tullumbat janë të mira, nuk janë të këqija, ëmbëlsirë janë, por kam hallin për një tullumb tjetër i cili është shumë i rrezikshëm, është tullumbi i krimit i cili po hyri nuk del më sepse të mban peng dhe nuk të lëshon më kurrë. I përdori më 25 qershor si bodigard, si ushtar, si miq ,si shok, si shok tavolinash dhe sot të kërkojnë haraç.

Dhe haraçi i tyre është përgjakja nëpër rrugët e Shqipërisë. Kur përmende pronësinë e fajit që ti e thua me fjalë të pahijshme si ato që përdor çdo ditë, më duket sikur flet Frojdi brenda vetes tënde, e përmende dy herë gjatë fjalimit tënd, që faji është, nuk e përmend se kam hall se më përjashton Gramozi.

Qetësohu se e njohin të gjithë humbjen e qetësisë tënde kur të dridhet ty karrigia. Qetësohu sepse kur humb qetësinë Frojdi brenda vetes tënde të thotë gjëra të tmerrshme dhe shqiptarët do të mësojnë atë se çfarë ti je vërtet, atë që bashkëpunëtorët e tu e dinë më mirë se kushdo tjetër.Çmendurinë tënde!"

Rama: Asnjë replikë vetëm një ilustrim shumë modest i arsyeve të dhimbjes që prodhon këtë lloj politike. Ndërmarrja shtetërore e transmetimit të energjisë elektrike, specialisti i zyrës së pagave, s’ka përfunduar shkollën e lartë, në vazhdim.

Rama: Zyra e projektit të impianteve, drejtori politik agrare, specialsiti në sektorin e telekomunikacionit, me masë sigurie arrest me burg, është vazhduar të paguhet deri në fund të muajit shtator, specialist i sigurimit të telekomunikacionit, zootenknik, manovrator histori-gjeografi. Specialisti i sigurimit teknik, arkitekturë, remontier, gjuhë letërsi, elektriciste kryeore, psikologji. Elektricist kryesor, merecologji, drejtuese e njësisë operative, shkenca politike, remontier në njësinë operative, histori-gjeografi, remontier, fiskulture, mbaroi koha, është e thjeshtë këta remontierë janë thjrsht të punësuar të partisë për të marrë vota dhe tani lufta me krimin është në rendin e ditës.

Kryemadhi-Ramës: Kush flet për arsimin më i paarsimuari, njeriu që urren librin, shkrimin dhe këndimin.


Redaksia Online
Er.K/Shqiptarja.com

  • Sondazhi i ditës:

    Himara, i kujt është faji që 6 mijë votues ishin me karta të skaduara?

Lajme të tjera



×

Lajmi i fundit

Ukraina ngre avionët luftarakë F-16 në fluturim, presidenti Zelensky: Moment historik, ne ia dolëm

Ukraina ngre avionët luftarakë F-16 në fluturim, presidenti Zelensky: Moment historik, ne ia dolëm

5 Gusht, 16:18