POP 5

Lajmet më të lexuara të 5 minutave të fundit

Sociale

Repolitix-Historia e trishtë e të miturve jetimë, babai i sëmurë: Fëmijët i kam rrugëve, qajnë çdo ditë, dua mamin, dua mamin!

Historia e trishtë e një 40-vjeçari, u rrëfye sot pas kërkesës së tij për ndihmë, në emisionin Repolitix në Report Tv. Dy djem të mitur, 5 dhe 9 vjeç rriten prej 6 muajsh në kushte të vështira jetese, pa nënë dhe vetëm nën kujdesin e babait të sëmurë.

Baba e nënë, kështu i është dashur të jetë Pal Ndojt, babait të dy fëmijëve të mitur që nga vdekja e bashkëshortes së tij, pas një sëmundjeje të rëndë.

Historia e trishtë e një 40-vjeçari, u rrëfye sot pas kërkesës së tij për ndihmë, në emisionin Repolitix në Report Tv. Dy djem të mitur, 5 dhe 9 vjeç rriten prej 6 muajsh në kushte të vështira jetese, pa nënë dhe vetëm nën kujdesin e babait të sëmurë.  40-vjeçari  me origjinë nga Puka, vuan nga hipertensioni dhe probleme me zemrën dhe për këtë arsye ai e ka të pamundur të punojë, si dhe të kujdeset për fëmijët njëkohësisht.

Gjithçka që ai merr është një ndihmë ekonomike me vlerë 36 mijë lekë të vjetra, shumë me të cilën nuk paguan dot as qiranë.

“Prej 6 muajve po vuaj shumë. Gruaja më vdiq nga një sëmundje e rëndë. Kam ngelur vetëm me dy fëmijët e vegjël. Nuk punoj dot se nuk ka kush të kujdeset për fëmijët, gjithashtu jam edhe i sëmurë, kam qëndruar 20 ditë i shtruar në spital. Gjatë qëndrimit në spital erdhi kunata dhe u kujdes për fëmijët”, u shpreh babai i dy jetimëve.

Dhimbja është akoma më e madhe në këtë familje, kur Ndoj rrëfen momentet e vështira që po kalon me dy fëmijët. Dy të miturit kërkojnë nënën e tyre çdo ditë dhe për shkak të moshës nuk arrijnë ta kuptojnë të vërtetën.

“Të dy fëmijët e ndjejnë mungesën e nënës. Ata qajnë çdo ditë, duke thënë dua mamin, dua mamin…Djali i vogël e shpreh shpesh, ndërsa djali i madh mundohet që ta fshehë pak. Zemra më dhëmb, por nuk di çfarë të bej”, rrëfen mes lotëve babai i dy fëmijëve.

Për 40-vjeçarin nevoja më e madhe aktualisht është kujdesi ndaj fëmijëve, që të ketë mundësi të punoi. Aktualisht, ai jeton me një ndihmë sociale, që nuk përballon dot as ushqimet mujore.

 “Që kur vdiq gruja, unë nuk punoj më. Jam çdo minutë me fëmijët në shtëpi. Edhe kur shkoj tek dyqani i bukës, kam frikë t’i lë vetëm. Nuk kam para, unë jetoj vetëm me 36 mijë lekë  ndihmë sociale dhe  më japin edhe një pako ushqime njësia bashkiake…jam me qira, paguaj 180 mijë lekë të vjetra dhe kam 2 muaj pa e paguar qiranë”,  u shpreh Ndoj.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • niku: 22/04/2020 22:36

    per kto duhet te mendoje ky shtet muti e jo tju japi lek atyre qe se dine sa kane beni mire o njerez se sdo merrni gje me vete ,kujtojen se do i marrin me vete politikanet dhe nuk ngopen se vjedhuri po nje pllak betoni dhe 2 m3 dhe do marrin te gjith

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Theu masën e arrestit të shtëpisë, shpallet në kërkim 47 vjeçari nga Fieri (EMRI)

Theu masën e arrestit të shtëpisë, shpallet në kërkim 47 vjeçari nga Fieri (EMRI)

5 Nëntor, 13:13