Report TV siguron videon, momenti kur njëri nga grabitësit e maskuar largohet me çantën me lekë tek rruga e Kavajës

Report Tv, ka siguruar videon ku njëri nga autorët e grabitjes që ndodhi ditën e sotme në rrugën e Kavajës në kryeqytet, shfaqet duke vrapuar i maskuar dhe me çantën me lekë në dorë.

Të dy grabitësit ishin të maskuar, njëri prej tyre i mori çantën me para dhe u nisën, njëri në këmbë dhe i dyti me motor, me synimin për t’u bashkuar tek vizat e bardha në Rrugën e Kavajës. Por, plani nuk funksionoi. Në tentativë për t’u larguar, mes përmes pikës së karburantit, sapo doli në rrugë, motorri u përplas me një automjet tip Mercedez Benz.

Përplasja detyroi grabitësin të largohet në këmbë, bashkë me mikun e tij dhe paratë, në drejtim të “21 Dhjetorit”, pikë nga ku kanë humbur çdo gjurmë.

Lajmi kryesor:

Tiranë, e goditi me sqepar e i mori çantën me lekë 55-vjeçarit te rruga e Kavajës, VIDEO nga momentin kur autori largohet me paratë! I dhunuari: S'di sa lekë kisha, vetëm po i transportoja

M.Q./Shqiptarja.com

TAG:
• grabitje
• Tirane
• policia e shtetit
• qani zili