Report Tv zbardh dëshminë/ Arben Ndoka te Krimet e Rënda: Kam kërkuar të marrë një tokë dhe ta shfrytëzoj për 10 vite

Zbardhet dëshmia e Arben Ndokës në Gjykatën e Krimeve të Rënda. Report TV ka arritur të sigurojë pjesë të kësaj dëshmie, kur Arben Ndoka thotë se ka kërkuar që të marrë një tokë pranë lokalit të djalit të xhaxhait të tij, për ta shfrytëzuar për 10 vjet. Sipas Arben Ndokës ai ka pyetur njerëzit e tij në institucione sa mundësi kishte për ta shfrytëzuar këtë tokë.

Kam kërkuar të shfrytëzoj një brezhare afër lokalit të djalit të xhaxhait tim, për të cilin të gjithë në Lezhë e dinë. Kam kërkuar dhe kam sugjeruar që unë të bëj një kërkesë, në Drejtorinë e Përgjithshme të Mjedisit për përdorim 10 vjeçar për të pasur mundësi për ta shfrytëzuar këtë pjesë toke, një sipërfaqe prej 50- 100 m2, jo 1 dynim. Për këtë kam pyetur njerëzit e mi në institucionet përkatëse, është e lirë apo është e zënë. Pas shumë kohësh, Drejtori i Zonave të Mbrojtura insistoi që unë të bëj një kërkesë për këtë tokë...

Arben Ndoka, ish-deputet i PS

Ish-deputeti i PS, Arben Ndoka, në korridorin e Gjykatës së Krimeve të Rënda

 Arben Ndoka ra në prangat e policisë pasditen e të dielës gjatë megaoperacionit të policisë "Volvo 4". Nga përgjimet telefonike të Prokurorisë, Arben Ndoka rezultonte i përfshirë në një skemë tjetërsimi pronash në zonën e Kunes dhe Rana e Hedhun në Shëngjin. Gjithçka u zbulua nga hetimet e prokurorisë për vëllain e Arben Ndokës, Gjevi Ndoka, si i lidhur me Avdylajt e Shijakut, të cilët akuzohen për trafik droge dhe porositës të heroinës së laboratorit të Hasit.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024