VOL-VO 4/ Gjykata lë në burg 24 anëtarët e bandës ‘Avdylaj’, mes tyre ish-deputetët Ndoka e Çuko

TIRANË- Gjykata e Krimeve të Rënda ka vendosur të lërë në burg dy ish-deputetët socialistë Arben Ndoka dhe Arben Cuko. 8 nga 34 të arrestuarit e operacionit VOL-VO 4, janë liruar, konkretisht Mimoza Ndoka dhe Marjeta Përskura janë lenë në masën detyrim paraqitjeje, ndërsa 6 të tjerë janë lenë në masën arrest shtëpie. Të arrestuarit e tjerë janë lenë në burg. 

Gjyqtari Bibë Ndreca ka vendosur të japë masën e sigurisë arrest shtëpie të arrestuarit Bledar Koci, Lule Zeneli, Luigj Paloka, Kol Lleshi, Zef Ndoka, Vasil Nika, Genc Zeneli dhe Vlash Gazulli.

Report Tv siguroi sot fotot ekskluzive të ish-deputetëve në gjykatë në krah të njëri tjetrit përballë trupës.

Të arrestuarit që do të vijojnë të mbeten në burg

Hajri Seferi

Jasin Kala

Shkëlqim Avdyli

Astrit Avdyli

Saimir Gjepali

Artur Balla

Paulin Simoni

Altin Avdyli

Jasin Avdyli

Fatos Llaftiu

Bledi Ndoka

Denis Llaftiu

Esat Mehmeti

Saimir Sulejmani

Elis Guri

Ilirjan Prifti

Ardit Gjyriqi

Petro Kuçi

Elton Shehaj

Gjevi Ndoka

Armand Spiro

Në të njëjtën dosje ishin edhe anëtarët e bandës së Shijakut, dhe ish-policë, që njoftonin kriminelët dhe favorizonin personat e inkriminuar për të dalë jashtë vendit, si dhe grupin “Avdylaj”. Seanca te Krimet e Rënda u zhvillua në masa të rrepta sigurie. Nga 34 të arrestuarit, 24 kanë dalë në Tiranë te Krimet e Rënda për masën e sigurisë, 9 në Lezhë dhe një në Shkodër.

Ish-deputeti Arben Ndoka sot në Gjykatë

Të arrestuarit që kanë dalë para gjykatës

 

Ora 18: 51/ ‘Gjyq qesharak, anti-ligjor dhe i montuar’, avokati Maks Haxhia para gazetarëve: Gjyqtari s’dinte që Mimoza Ndoka kishte fëmijë

Avokati Maks Haxhia, që ka marrë në mbrojtje disa nga të arrestuarit e operacionit VOL-VO 4, ka folur për gazetarët në përfundim të dhënies së masave të sigurisë. Haxhia ka thënë se procesi gjyqësor ishte qesharak dhe i montuar.

Sipas avokatit, gjyqtari i çështjes, Bibë Ndreca nuk kishte dijeni për njërën nga të arrestuarat, Mimoza Ndoka që ishte me një fëmijë të vogël.

Është e vështirë që të përmbys gjithë opinionin që ju e keni informuar, pritni. Ju fatkeqësisht ju s’ishit në sallë. Ky ishte skenar. Ju është dhënë informacion nga prokuroria dhe e hodhët në opinion, por po të ishit në sallë do krijonit një tablo tjetër për atë që i është krijuar publikut. Dua të them se proces më qesharak dhe anti-ligjor s’kam parë në 40 vite të karrierës sime. Gjyqi ishte i montuar.

Neni 48 thotë se procesi i marrjes në pyetje të të pandehurve bëhet veç. 40 e ca veta në sallë dhe imagjinoni si shkoi procesi. Ajo që na bindi se procesi ishte i montuar nga prokuroria dhe më poshtë se prokuroria ishte prezantimi i vendimit nga gjyqtari qi çështjes, që në mes të seancës tha që s’e dinte që Mimoza Ndoka ishte me fëmijë të vogël. Ndërkohë që një gjyqtar kur merr një çështje e shikon në tërësi. Ishin 3 të moshuar, për të cilët ligji thotë se ndalohet masa e arrestit me burg për të moshuarit mbi 70 vjeç dhe gratë me fëmijë të vegjël. Morën flashin nga prokuroria, kaq bëri gjykata.

Akuzat janë episod edhe më skandaloz. Lidhen persona sa që nuk kanë lidhje me njëri-tjetrin.

Maks Haxhia, avokati i disa prej të arrestuarve gjatë operacionit VOL-VO 4

 

Ora 20:00/ Çfarë ndodhi sot tek Krimet e Rënda, gjyqtari i kërkon falje Mimoza Ndokës: S’e dija që kishe fëmijë në gji

Gjyqtari i Gjykatës së Krimeve të Rënda, Bibë Ndreca i ka kërkuar falje njërës prej të arrestuarave në operacionin VOL-VO 4, Mimoza Ndoka.

Shqiptarja.com ka mësuar se Ndreca i ka kërkuar ndjesë Ndokës, si edhe ka shtuar se nuk ka patur dijeni për faktin që Mimoza Ndoka kishte një fëmijë në gji.

“Nuk e dija që kishe fëmijë në gji...”-mësohet t’i ketë thënë Ndreca-Ndokës.

Gjatë seancës së zhvilluar sot në Gjykatën e Krimeve të Rënda, gjyqtari Ndreca i ka dhënë leje Ndokës që të ushqente fëmijën me gji. Avokati Maks Haxhia, sqaroi sot para gazetarëve se prokuroria ka shkelur ligjin, pasi nuk duhet të ishte arrestuar Ndoka sipas ligjit në fuqi. Mimoza Ndoka është motra e ish-deputetit të PS, Arben Ndoka. Ajo ka dalë përpara Gjykatës së Krimeve të Rënda krahas 33 të arrestuarve të tjerë, ndërsa mbi të rëndon akuza e tjetërsimit të pronave në Lezhë. 

//Shqiptarja.com

TAG:
• gjykata e krimeve te renda
• arben ndoka
• Arben Çuko
• astrit avdyli
• grupi i shijakut
• mimoza ndoka
• bibe ndreca
• volvo 4