Histori, peizazh natyror që të hipnotizon, duke të bërë të përshpejtosh hapat drejt saj. Në kalanë trekëndore të Porto Palermos, tri bastionet e së cilës janë pushtuar prej 14 korrikut prej muzikës, të ftuarit janë mbledhur edhe këtë të premte. Festivali i Porto Palermos në këtë edicion të tretë mirëpret artëdashësit por edhe përpiqet të sensibilizojë për ruajtjen e detit dhe ekosistemit.
Por, publiku, teksa përshkon korridoret e dhomat e shumta të monumentit në pritje të Mbrëmjes Italiane, përftojnë të shuajnë kërshërinë mbi këtë trashëgimi të vyer ndërtuar me gur por edhe për vetë Ali Pashanë, emrin e të cilit mbart Kalaja.
Si i ‘zoti’ i shtëpisë, violinisti Olen Cesari ka krijuar një ambient sa më të ngrohtë për publikun, mes të cilëve janë edhe mjaft personazhe të njohur. Veçmas për të huajt, ai rrëfen copëza historike të Kalasë, por edhe për ‘gardianët’ e sotëm të saj.
Por, përtej fjalëve, magjinë e vërtetë e dhuron me tingujt e violinës, ku e shoqëron Michael Rodi.
Roberto Ciufoli, aktor e regjisor i njohur italian, përmes spektaklit ‘TIPI’ ku gërsheton në performancë, fjalën, gjuhën e trupit, deri dhe improvizime kërcimi, mbërthen publikun në të qeshura. Por njëherazi i fton të reflektojnë për tipologjinë e psikologjinë njerëzore, edhe përmes dilemave hamletiane.
Dy aktoret Jane Landuçi dhe Tess ALice Iaçoni janë vendosur me shpinë, teksa interpretojnë monologun e Mattia Torres ‘Gola’. Një reflektim dramaturgjik mbi ndryshimin e raporteve të italianëve me ushqimin, nga mjerimi i Luftës së Dytë Botërore në bollëkun e ditëve të sotme.
Me shijen e mirë, që ka lënë teatri italian, e muzika e përzgjedhur artisti shqiptar shpreh mirënjohjen. Më tej, i fton të pranishmit në një koktejë, në tarracën e Kalasë. Ku përjetësojnë përmes fotografisë këto çaste magjike.
Në këtë atmosferë entuziaste, i shkëpusim një përshtypje protagonistit italian të mbrëmjes, që e gjejmë të shoqëruar me ambasadorin italian Fabrizio Bucci.
Janë entuziast për pritjen, e premtojnë rikthimin.
"Sapo e mbyllëm këtë mbrëmje italiane, rreziku qëndronte jo vetëm në faktin se ishte e para, por edhe që mos të ishte e fundit. Dhe në fakt jo, shkoi mirë, dhe do të rikthehemi edhe gjatë viteve në vazhdim" thotë Roberto Ciufoli
"Kjo është e para, e një serie të gjatë. Një mbrëmje shumë e bukur me Roberton, që realizoi një spektakël të jashtëzakonshëm në një vend unik. Kështu që me të vërtetë e falënderojmë, atë dhe Olenin që kanë organizuar këtë mbrëmje kaq të bukur!" thotë ambasadori Fabrizio Bucci.
"Dhe në të vërtetë ne jemi këtu nën kupolën e kështjellës së Ali Pashës! Shfaqja mbaroi, por ne as që e kemi ndër mend të lëvizim nga këtu! Na tregon Ciufoli
Komente
Lajme të tjera
-
Më 14 korrik nis festivali i 'Porto Palermos', 5 fundjava magjike në kalanë e Ali Pashës me Olen Cesarin e artistë të jashtëzakonshëm
5 Korrik 2023, 14:10 -
Festivali i Porto Palermos, rrëfehet Olen Cesari: Si është të performosh në Kala, nga ku Ali Pashë Tepelena vëzhgonte qytetin
14 Korrik 2022, 20:17
Bukur , shume bukur. Cilesi musike, jo fshatçe si greket
Përgjigju